الأهلي نيوز : في لقاء سموجة المشهد من الملعب بيقول إن الأهلي بيلعب بجبهات أسوأ
من جبهات رادس 2018 . غياب الحلول الفردية من الأجنحة بعد فقدهم ل للعب الجماعي.
المهاجم مكنش دوره يترجم الفرص لأهداف لأن أولا مكنش في فرص ثانيا معظم مجهوده
استنفذ خارج المنطقة بكثرة تحركه ثالثا وقت خلق الفرص مقدرش يستغلها والتعامل كان
سئ معاها. قرارات اللعيبة فرديا وجماعيا كانت سيئة. الشيخ سئ الشحات أسوأ مجدي
قفشة ظهر بشكل متواضع. كل منطقة ف الملعب بأفرادها بتلعب لوحدها مفيش ربط
نهائي مجرد 11 لاعب ف الملعب كل لاعب بيقوم بنص وظيفته وبيسيب النص التاني
الأهلي نيوز :المشهد قبل الماتش… اللعيبة مرهقة ذهنيا وبدنيا وبالتالي مفيش وجود
للحالة الفنية. رحلة طيران 11ساعة بعد ماتش كبير ف جنوب افريقيا انتهت يوم الاحد ثم
48 ساعة والماتش ومن قبلها ماتش الذهاب بكل مجهوده وتحضيراته. غيابات للراحة
وغيابات للايقاف وغيابات للاصابات بتضم القوام الأساسى كانت مؤشر للمشهد السابق
ذكره
الأهلي نيوز : المشهد الأكبر… إدارة الأهلي لم تعترض ع ميعاد المباراة ولم تسعي لحفظ
مبدأ تكافؤ الفرص مع المنافس من حيث ميعاد المباراة وظروف رحلات الطيران المختلفة
بين جنوب افريقيا وتونس وعدم تقديم أي إحتجاج يحفظ للفريق حقه ف الحصول ع الراحة
وتجنب الإرهاق.
الأهلي نيوز : فايلر رقمه القياسي انتهي ورقم جوزية التاريخي لا زال شئ إستثنائي
كصاحبه، السولية نجم الماتش ومكنتش اعتقد ان ف الوقت اللي كل اللعيبة المفترض انها
كبيرة هتختفي من الملعب يكون السولية هو اللي ظاهر بشكل وروح وأداء مختلف. وسط
ملعب الأهلي بينجح ف التعادل مع سموحة ويتوقف رصيد الأهلي ف الصدارة ب49 نقطة.