الأهلي نيوز : صالح جمعة فشل مع كل مدربي الأهلي .. ولماذا جمده فايلر
الأهلي نيوز : صالح جمعة اسوء عقلية لاعب اخد شعبية في النادي الأهلي ، أكثر لاعب
في تاريخ الأهلي اتعرض لخصومات وعقوبات ادارية ، أكثر موسم لعب فيه في الدوري كان
١٨ ماتش. كل اللي لعبته في الأهلي في ال ٥ سنين حوالي ٢٧٠٠ دقيقة يعني مدة
تساوي ٣٠ مباراة كاملة في ال ٥ مواسم . كابتن فتحي مبروك وقال انك مش ملتزم
ومكنش مقتنع بيك ، كابتن زيزو لعبك ٤ ماتشات منهم ٣ ماتشات لم تشارك فيهم اكتر
من نص ساعه ، مارتن يول لم يكن انك ملتزم او انك تستحق تلعب كاساسي
الأهلي نيوز : صالح لم يشارك بشكل منتظم في الأهلي
الأهلي نيوز : حسام البدري دخلت معاه القائمة في الدوري في الولايتين ٢٥ مرة بس
بدأت ٧ ماتشات ونزلت بديل ١٢ مرة و ٦ مرات دكة. مع لاسارتي في افريقيا مدخلتش
القايمة ولا ماتش وفي الدوري لعبت ١٣ ماتش سجلت هدفين. مفيش موسم واحد لعبت
فيه بمستوى ثابت موسم ايه دة مفيش ٥ ماتشات ورا بعض لعبت فيهم بمستوى ثابت.
الأهلي نيوز : وزن زايد اغلب الوقت وبدنيا شايل نفسك بالعافية وبرضوا الجمهور بيدعم
وبيقول هتيجي مع الوقت. انت بنفسك بتطلع تقول انا اللي قصرت وغلط وملتزمتش.
ودلوقتي عشان فايلر معجبهوش الوضع دة ومعندهوش حاجة تخليه يتقبل دة عايز تشيله
الليلة ولسه في جمهور هيمشي وراك. اول ما جه فايلر انا قولت من تجارب فايلر السابقة
صالح مش هيشمها لانه مش المدرب اللي بيدلع لاعب بدنيا او سلوكيا مش ملتزم هو
بيطور فنيات انما اللي عنده مشاكل في عقليته مبيشتغلش عليه اصلا
الأهلي نيوز : . وبدل ما نشوف مين اللي فيه المشكلة اللي اتكررت مع اغلب المدربين
ومين اللي ضيع من نفسه انه يكون مع منتخب بلده في اكبر بطولتين او مع نادية في
نهائي افريقيا واللي قال عن نفسه انه غلطان لا نضحك على نفسنا ونقول ان فايلر هو
اللي غلطان. بالعكس كل مدرب لعب صالح كان هو اللي غلطان لانه وصل رسالة لباقي
اللاعيبة انك ممكن تعمل اللي بيعمله صالح وتلعب. هو مش لايق علينا واحنا مش لايقين
عليه سيبوه يروح المكان اللي لايق عليه دة احنا سيبنا لاعيبه كانت قده ١٠٠ مرة ولهم
تاريخ ومهزوش فينا شعرة.
Mohamed Fares