أخبار الأهلي : كيف ساهم فايلر في ضم صفقة سوبر للأهلي وفتح مجال جديد

أخبار الأهلي : فايلر سحب الأهلي لسوق جديد بفكر جديد، الإصرار كان على مهاجم افريقي الأصل يقبع في القارة العجوز بدورياتها المختلفة، وهنا تبقى حققت المعادلة الكاملة ومزجت ما بين الخبرات الافريقية والحداثة والعصرنة في أوروبا ، اللاعب افريقي الجنسية فضمنت انه معتاد على الأجواء مش غريب عليها لإنه تربى وترعرع داخل أدغال القارة ومنافستها ومناخها وملاعبها وخرج من خلالها ،وتتعاقد معه  من أوروبا يكون  سابق كل زملائه وخصومه بخطوات من حيث أساليب التدريب ونظم التغذية والتأسيس الجسدي وطرق الاستشفاء وأجهزتها الحديثة والضغوط وقوة التنافسات والإنضباط التكتيكي ومدارس التدريب المختلفة والعقلية والإحترافية والنضج ومستوى الطموح

أخبار الأهلي : بادجي يمتلك مميزات هامة للأهلي

أخبار الأهلي : والفوارق الشاسعة دي يقدر يشرحهالك أكتر وبشكل أعمق أي مصري محترف وأقربهم رمضان ويوضحلك ازاي استفاد من وجوده سنتين في إنجلترا في جوانب عديدة مش بس فنية، وده كان الدافع لفايلر اللي رفض أي ترشيح من داخل القارة أو الخليج، وكان بيتحرك ويدور فقط في فلك أوروبا

أخبار الأهلي :  التركيز مع الأرقام منطقي لو اللاعب بيلعب في مصر أو أي دوري افريقي أو عربي لكن لما تجيب لاعب من أوروبا مهما كان أسم الدوري فمنطقي مش هيكون مسجل ٧٠ هدف في ٨٠ مباراة ، بادجي صاحب ال٢٢ عام كان المشروع لناديه النمساوي، مفيش حد خياله كان يتصور انه لاعب بموهبته يعود لافريقيا، هو درب من دروب الخيال في نظرهم، لكن قلة المشاركة وإرتداءه لقميص الغريم سالزبورغ سهل كثيرا إقتناص الأهلي لموهبته اللي كان صعب جدا وجودها في افريقيا

أخبار الأهلي : فنيا الأهلي كان فيه حاجة لمهاجم قوي جدا جسديا وطويل، بمعنى حاجة كده جتة وله هيبة في الملعب، الاستايل ده مبيدخلش الأهلي كتير للاسف، وبادجي تكوينه الجسدي ممتاز وطوله فارع وتخاف تسلم عليه فأنت حققت المطلب ده بنجاح ،عنده ميزة ان وشه دايما للجول، تفكيره دايما للأمام، الستارت عنده دايما لل١٨، ولما بيسقط بتبقى حيلة لفك الرقابة وخلخلة القلب اللي سرعان ما بيعود إليه، هو دائم التنقيب عن المساحة المثلى ليسجل من عندها

Mahmoud Ashraf