الأهلي نيوز : جماهير الأهلي الأعظم في المنظومة والفارق مع مشجعي الزمالك
أخبار الأهلي : جمهور الأهلي اعظم جمهوره ممكن تشوفه في حياتك، عقلية مش هتقابل زيها، مستوى طموح مرعب والله ما فيه حاجة ممكن تملى عينهم، شخصيتهم جبارة، بيعرفوا امتى يدسوا وامتى يطبطبوا، امتى يدعموا وامتى يتدخلوا، حاسبين كل خطواتهم بالورقة والقلم ، جمهور الأهلي هو اللي شكل الشخصية الاعتبارية للكيان ورسم هويته، هما رسموا الخط والأهلي مشي عليه، بيرسمولك الطريق بحذافيره ويا تمشي عليه يا تمشي خالص!
أخبار الأهلي : جماهير الأهلي تمنع الأنحراف
أخبار الأهلي : يمنع أي فرد من المنظومة أن يضل الطريق ، واللي بيضله بينتهي، مبادئ النادي وهي أبرز ما تميزه المسؤول لو لم يطبقها عن قناعة شخصية فبيطبقها بخوف ورعب من غضبة الجمهور عليه لان مبادئنا أولا احنا الجمهور الوحيد في التاريخ اللي يبقى في اخر الدوري وشبه ضاع ويغني كده كده يا زمالك الدوري في الجزيرة! ودي شخصية الجمهور وعقليته اللي بتنعكس على كل المنظومة سلبا أو إيجابا ، طيب هما لما كانوا زينا كده من سنة كان كلامهم اية؟! متصدر لا تكلمني، ابحثوا معنا عن ترتيب الأهلي، المنطقة الدافئة، الأهلي هيهبط، مش هنرد على المركز السادس…
أخبار الأهلي / لكن جمهور الأهلي دلوقتي كلامه اية؟! الدوري ضعيف مش مقياس، مش هنحكم على فايلر غير في افريقيا، لا تنازل عن دوري الأبطال، احنا عندنا مشاكل دفاعية واحنا اصلا داخل فينا جول واحد تخيل!!!!!! من الاخر وهما أول الدوري باعوا كل الوهم للاعبيتهم، وهما في المنطقة الدافئة بيبيعوا كل اليأس للاعبيتهم، في الحالتين كانوا أكبر ضرر على نفسهم، لكن واحنا وواقعين صدرنا كل الأمل والتحدي للاعبيتنا، وحاليا واحنا ماشيين قطر بنجددلهم الدوافع وبنحذرهم وبنرسملهم الطريق اللي مش هنقبل فيه غير التأهل للعالمية
أخبار الأهلي : جماهير الأهلي أفضل من جماهير الزمالك
أخبار الأهلي : احنا الجمهور اللي اللاعب عندنا يبقى معاه ١٥ بطولة ويصنف كصفقة فاشلة غيرنا مع كعبين وكوبري يبقى ساحر وسافل ومجرم! المدرب يبقى موسمين بلا خسارة ولا يقنع الجماهير غيرنا مع كأس مصر يبقى مدرب داهية! احنا الجمهور اللي نكسب الدوري نسأل عن افريقيا، ناخد افريقيا نقول لية منكسبش كأس العالم غيرنا لسة بيحتفل ببطولة ودية في السعودية!
أخبار الأهلي : احنا الجمهور اللي بننقذ نادينا من أي خطر وبنضغط على الجمعية العمومية اللي هي أساسا مننا ومبنستناش أكتر من ٤ سنين ونجيب اللي عايزينه غيرنا بيصرخ بقاله ١٠٠ سنة على السوشيال لكن أعضائهم مش سامعينهم من صوت الدي جي! احنا الجمهور اللي ممكن بهتاف واحد نقلب المنظومة رأسا على عقب ونهز بلد بحالها غيرنا أبطال في الهاشتجات والكوميكسات!
محمود أشرف