الأهلي اليوم : رغم الفوز المتتالي أزمة في الأهلي تهدد الأهلي في أفريقيا

الأهلي اليوم : في 2004 الأهلي لم يمتلك لاعبين يكمل بيها بطولة الكأس المحلية ..

جوزيه صعد وقتها عاشور و عبد اللاه جلال و هما 17 سنه .. و عملوا بطولة جيدة جدا و

وصلوا مع الأهلي للنهائي اللي خسرناه بسوء توفيق غريب وقتها ! في 2009 كان عندنا

مشكلة في المساك .. و بنلعب ماتشات حاسمه في نهاية الدوري ؛ لجأ جوزيه لـ توظيف

أحمد علي (الباك اليمين ؛ اللي في الجونه حاليا) في مركز المساك و عمل ماتشات

هايله الصراحه ؛ خاصة ماتش الفيصل قدام الإسماعيلي اللي كسبنا بيه الدوري !

الأهلي اليوم : فايلر مطالب بتطوير الدفاع

الأهلي اليوم : في أفريقيا 2006 في لقاء شبيبة القبائل هنا بـ غيابات متنوعه كتيره جدا

تصل لـ11 لاعب أساسي ! بين إصابات و إيقافات .. لجأ جوزيه وقتها لـ توظيف أحمد صديق

في مركز صناع الألعاب (جاب جون و صنع التاني) ؛ و عاشور في مركز .. الليبرو !! .. و أجاد

بشكل مذهل يومها ! الـ 3 أمثله دول بتتكلم عن (إيجاد الحلول) في الشق الدفاعي علي

الصعيد الفردي و الجماعي لما يبقي عندك مشكلة : بإنتقاء أفضل عنصر يأدي في المركز

دا .. أو توظيف لعيب إمكانياته تصلح … أو اللعيب المتاح عندك إنك تقدر تشربه أساسيات

واجبات مركزه اللي إنت محتاجها منه (تطور من أدائه و إمكانياته وتصلح عيوبه)

الأهلي اليوم : حصر مشكلة الأهلي الدفاعيه في جودة الأفراد الحالية لوحدها غير

منطقي ومش مبرر إننا نشوف في دفاع الأهلي (السواد المستخبي في النتايج الكويسة

حاليا) .. و مبقتش قانع إن بعد حوالي 15 ماتش لفايلر معانا ؛ مش قادر يطور الأداء الفردي

و لا الجماعي للفريق علي الصعيد الدفاعي ؛ بالشكل اللي خلّي أخطاء الدفاع الكارثيه

(هيّ هيّ بتتكرر كل ماتش رغم إختلاف العناصر الفرديه)! حاجه كده زيّ ؛ أحمد هو الحج

أحمد يعني! ..

الأهلي اليوم : من أهم نقاط تقييم المدرب ، تطوير الأداء الجماعي دفاعيا و هجوميا , و

رفع أو (علي الأقل) تصحيح أخطاء بعض العناصر الفرديه عندك .. و دا هجوميا فايلر بيأديه

بشكل نتائجه مذهله , لكن علي الصعيد الدفاعي غير منضبط، أي مدرب مش مطلوب إنه

يبقي عنده أحسن لعيبه محليا عشان يكسب البطولات المحليه ولا أفضلهم قاريا عشان

يكسب البطولات القاريه .. هو له أدوار مساعده تانيه لا تقل أهميه .. و إلا هنبقي عاملين

زي الأراجوزات السُذج بتاع (جوزيه معاه لعيبه تكسب أي بطولة لوحدها بدون مدرب)

الخلاصه ؛ فايلر لو مشتغلش ع الشق الدفاعي بشكل أفضل مما نحن عليه الأن .. وصلونا

لدور الـ4 حتي في أفريقيا محل شكل , في مواجهات ألـKnock out .