الأهلي نيوز : سر غضب علي معلول من لاعبي الأهلي في لقاء الإسماعيلي

الأهلي نيوز : معلول مبيحبش يستلم الكرة تحت رجليه وتجبره على انه يتصرف بشكل

عشوائي زيه زي أي ظهير متوسط ويوزع إرسالات عرضية أي حاجة من ٤٠ متر! هو بيحب

تحركه مش توقفه، متدلوش في رجليه، متباصيش في وشه، لا باصي في ضهره، خليه

يطلع ويتحرك وينطلق وأرميله في المساحة ويدخل في سباق مع الكوة ويتصرف من وضعية الحركة لا الثبات

الأهلي نيوز : وهنا كانت عبقرية رمضان صبحي اللي عنده القدرة يشتغل على الخط

ويضم لجوه ويقف على كورته ويسيطر عليها ولو وسط جيش ويقول لمعلول براحتك وعلى

مهلك تعالى ، وأول ما يقطعله التونسي يتعمل الOverlapping وفجأة معلول يلاقي نفسه

منفرد بالمرمى جهة اليسار وعنده ٣ و٤ حلول

الأهلي نيوز : عبقرية الجملة دي انك شفتها سهلة رغم صعوبتها، مش بسهولة تقف

على كورتك، مش بسهولة تفهم زميلك، مش بسهولة زميلك يقطعلك كل المسافة دي

وانت لسة محافظ على كورتك، ومش بسهولة ترميهاله في النقطة الصح وبالدقة

المرسومة دي وبالقوة المحسوبة، ومش بسهولة انك تكررها كل مرة وأنا وانت وهو وهي

وهذان وهاتان وهؤلاء عارفين انك هتعملها كده وبتعملها بردوا! ثبت علميا ان هذه الجبهة

التونسية المصرية هي الأقوى والأخطر افريقيا مهما طالها من إتهامات بالجمود والكلاسيكية