الأهلي اليوم : تمسك جماهير الأهلي ، بتجديد عقد أحمد فتحي مع الأهلي لعدة مواسم ،
خاصة أنه أكتر لاعب بيحافظ على نفسه و بيجتهد في تدريباته، أكتر لاعب منظم في
حياته ونومه وأكله وشربه وتمرينه، أكتر لاعب محافظ على تركيزه طوال الوقت، أكتر لاعب ملتزم،
أكتر لاعب عنده طموح وشغف ورغبة وإصرار وتحدي، أكتر لاعب ميبانش عليه السن ومجرد رقم في البطاقة ليس إلا
الأهلي اليوم : فتحي جوكر لا يمكن الإستغناء عنه
الأهلي اليوم : وقالت جماهير الأهلي ” احمد فتحي تشوفه تقول ده ابن العشرين ده
لسة صاعد وبيلعب في المنتخب الأوليمبي وتقول الولد ده عنده مستقبل! مفيش حد في رجولته،
ومفيش حد حلال العقد وكارت الأمان لأي مدرب ربعه، كوبر كان بيعتبره ٤× ١! ظهير أيمن حاضر،
ظهير أيسر حاضر، قلب دفاع حاضر، لاعب إرتكاز حاضر، بيسد في أي مكان، ويلعب على أي حد، ويمسك أي نجم
الأهلي اليوم : تاني أكتر لاعب من الجيل الذهبي قاهر للنجوم الأفارقة بعد وائل جمعة،
وعشان كده متستغربش لما تعرف انه اللاعب الوحيد في العالم على مر التاريخ اللي
شارك في كل بطولات الإتحاد الأهلي والقاري والدولي على مستوى الأندية والمنتخبات
بإختلاف فئاتها العمرية! ومتستغربش انه من أكثر اللاعبين في العالم فوزا بالبطولات
المتنوعة حيث فاز ب٨ بطولات مختلفة ما بين دوري وكأس وسوبر محليا، ودوري أبطال
وسوبر وكونفدرالية قاريا، وأمم افريقيا للشباب والكبار، ومتستغربش انه احترف في
البريمرليج لعب ٦ نهائيات دوري أبطال و٤ نهائيات كأس أمم ولعب ٣ مونديال أندية،
ومتستغربش انه في جعبته أكثر من ٢٧ بطولة، ومتستغربش انه جمع بين الأولمبياد
وكأس القارات وكأس العالم وكان كابتن مصر في روسيا
الأهلي اليوم : الأهلي يحتاج لإستمرار فتحي
الأهلي اليوم : مش كل يوم هيعدي علينا فتحي، فتحي واحد لا يتكرر إلا كل ٥٠ سنة
مرة، فتحي واحد من أكبر أساطير الكرة المصرية والإفريقية والعربية، وبالأرقام هو أفضل
ظهير أيمن في تاريخ مصر، وواحد من أفضل اللاعبين الدوليين اللي خدموا منتخباتهم على
مستوى العالم ، أتمنى تطول الحكاية ولا تنتهي إلا بعيدا، أتمناه قائدا من جديد للمنتخب
في مونديال قطر ٢٠٢٢ ومتأكد انه عنده تحدي وإصرار على تحقيق هذا الحلم وانه يختم
حياته في قطر وبعد ما يكون تخطى ال٣٠ وال٣٥ بطولة في مسيرته ووصل لل١٢ دوري
كمشروع حسام عاشور جديد ولعب كأس عالم أو ٢ كمان مع الأهلي بمشيئة الرحمن