الأهلي نيوز : أرقام هامة للأهلي في لقاء الكأس .. وسر التحول الهجومي
الأهلي نيوز : الأهلي رقميا كان متفوق جدا على بني سويف وحافظ على فلسفته مع فايلر بتستحوذ بشكل ساحق ٧٢ % مقابل ٢٨ % لبني سويف وبتعمل ٦١٠ تمريرة مقابل ٢٣٦ . وبتعمل ٢٢ محاولة مقابل ٤ لبني سويف . ولكن اكيد حسيت ان الارقام دي بعيده عن احساسك باللي انت شايفه خصوصا الشوط الاول طيب ليه !
الأهلي نيوز : الأهلي تحول هجوميا في الشوط الثاني أمام بني سويف
الأهلي نيوز : ابحث عن تركيبة ثنائي الارتكاز واهميتها في التحول الهجومي + سرعة التدرج بالكرة وانت هتفهم.الأهلي بيلعب اخر مباراتين بالسولية وقفشة اتنين اقرب لفكرة ال Free 8 لهم ادوار مسانده هجوميه على العكس انهاردة تماما تقريبا بتعلب ب Double 6 الشوط الاول ثنائي ارتكاز بمهام دفاعيه اكبر وعشان كدة هتحس ان بغض النظر عن النتيجة بس طريقة الأهلي في الملعب مختلفه ، قفشة لاعب مؤثر جدا لانه عنده القدره على التحكم في مسار الهجمه وتغيير محاور الهجوم ما بين العمق والاطراف وعشان كدة غيابه كمان خلاك تحس ان الأهلي عشوائي وهو بيمتلك الاستحواذ
الأهلي نيوز : اللي حصل الشوط التاني ان أليو ديانج اخد تعليمات بالذيادة الهجومية من أجل الضغط علي بني سويف وتحول للاعب ٨ بشكل واضح وصنع هدف وله ٥ تمريرات طولية صحيحة من اصل ٥ يعني دقة ١٠٠ % و ٣ مراوغات ناجحة و٥ محاولات على المرمى دة غير انه دفاعيا تاني اكتر لاعب استخلاصا للكرة ١٤ مرة . يعيب ديانج بعض التهور وقله الخبرة زي لقطة الهدف ولكنه كلاعب لو تطور مع فايلر فهيفرق جدا
الأهلي نيوز : مشاركة جيرالدو وأحمد فتخي منحت الأهلي الأفضلية
الأهلي نيوز : نزول جيرالدو غير ايقاع الأهلي وبقيت بتلعب high tempo .اخدنا شوط كامل عشان نفهم ثغرة بني سويف اللي مبيدافعش من الأطراف انما من العمق مهما لعبت على الاطراف المدافعين أحمد فتحي عمل الشوط التاني ١٢ عرضيه ودة رقم كبير جدا مقارنه ب ٣ عرضيات لعمار حمدي في الشوط الاول ، عمار كانت ٢٢ % فقط من تمريراته امامية مقابل ٥٢ % تمريرات امامية لفتحي .
محمد فارس