الأهلي نيوز : بالأسماء : الصفقات السوبر للأهلي لبناء فريق قوي مستقبلا

الأهلي نيوز : محمود الجزار واحد من أقوى المدافعين، وعنده ميزة نادرة شوية في المكان ده انه سريع جدا جدا جدا والستارت عنده عالي وبرجله واسع لما بيخرج بالكرة شبه إنطلاقات ربيعة العنترية من الخلف ، الجزار بيقدم مستويات متميزة جدا مع الجونة، ولو كان الأهلي منحه فرصة لتفوق على عبد الغني، ولو كان لاعبا في الزمالك لصار أساسيا بجوار علاء ، أعتقد الجزار في حاجة لموسم جديد إعارة بخلاف الحالي ليصل لأعلى مستوياته ويكتسب أقصى الخبرات ويعود للأهلي مكتملا النضج في موسم ٢٠٢١/٢٠٢٢ (١)

الأهلي نيوز : أسامة جلال لاعب يخطف أنظارك من الوهلة الأولى، المدافع الوحيد المكتمل وعنده قدر جيد بنيانه قوي ورشيق، طويل القامة، جيد في الإلتحامات الهوائية، سريع، رخم جدا جدا في المان تو مان، كورته حلوة، باني جيد للهجمات والتدرج بالكرة، من المتخصصين في الركلات الثابتة زي متولي ،الخلاصة مدافع مميز ومشروع كبير كما وصفه فايلر (٢) الملكات الاخيرة مش هتختلف كتير عن وصفنا للموهوب بيكهام، ولما بقول موهوب دي بعنيها تماما، فارق كبير بين المجتهد والموهوب بالفطرة، لا بيكهام موهوب وجدا ، وعنده صفات شخصية واستايل لعب شبيه جدا بغالي، مشوفتش لاعب بعد الكابيتانو واثق في نفسه وعنده إتزان ورافع راسه وكاشف كل الملعب زي بيكهام، لمسته للكرة شيك جدا، تدرجه بالهجمة من تحت خطر جدا ويصعب إيقافه

الأهلي نيوز : بيكهام مستقبل خط وسط الأهلي

الأهلي نيوز : بيكهام من الكروت الرابحة، لاعب جوكر، بيلعب في قلب الدفاع والوسط وفي الرواق الأيمن، يعني وانت بتضم بيكهام بتؤمن ٣ مراكز، لكن مركزه المفضل على الدائرة، ويلعب ٦ و٨ عادي، وتقدر بمزيد من التطوير ومع مدرب زي فايلر تجهزه لخلافة غالي ولو من بعيد جدا لان غالي لن يتكرر (٣) ، انت مبقتش محتاج تشتري كتير من الخارج زي الأول، التركيز مع المواهب دي أفضل، وممكن جدا تخصص ميركاتو الصيف المقبل لهؤلاء، تحافظ على رمضان، ترجع أكرم، وتضم أسامة وبيكهام، وتجدد إعارة الجزار وريان وناصر للمرة الأخيرة

Mahmoud Ashraf