الأخبار

أخبار منتخب مصر : كيف دمر البدري أحمد فتحي وقفشه في منتخب مصر؟

أخبار منتخب مصر : بعد لقاء كينيا  ظهر  عيوب و نواقص المنتخب مع حسام البدري ،

هناك نقاط واضحة  أحمد  فتحي  35 سنة ولاعب مهم جدًا و لسا قادر يفيده في

المواجهات الكبيرة لكن بشرط انك تحافظ على مخزونه البدني و تراعي سنه ، على

العكس تمامًا اللي عمله حسام البدري.. كابتن حسام أجهد أحمد فتحي في ماتشين

وديين مع إن فتحي مش لاعيب يتحط تحت الاختبار مثلا او لسا بتستكشف قدراته عشان

يبدأ ماتشين وديين في السن ده.. حتى في أول ماتش رسمي مع كينيا على ملعبنا لعب

فتحي ال90 دقيقة مع إن كان مقبول جدًا تواجد لاعيب زي محمد هاني في ماتش كينيا

اللي انت اغلب الوقت معاك فيه الكرة و انت اللي بتسعى للهجوم.

أخبار منتخب مصر : البدري إستهلك فتحي بدنيا

 

أخبار منتخب مصر : لما بدأ فتحي أول 3 ماتشات مع حسام البدري ، أعتقد البعض أنها

قناعة ثابتة عند حسام البدري إن فتحي هو باك يمين المنتخب وفؤجي الجميع بمشاركة

محمد هاني في لقاء جزر القمر في أهم لقاء تحتاج فيه أحمد فتحي ، 90 دقيقة منتخب

جزر القمر بيلعب على محمد هاني وتم إستنزاف طارق حامد في انه دايمًا بيميل على

محمد هاني عشان هاني مكنش قادر يواجه الضغط لوحده مع اننا كنا ممكن نحمي

الجبهة دي بتواجد احمد فتحي لو مكناش استنزفناه في 3 ماتشات فاتوا و في نفس

الوقت كان تفرغ طارق حامد لمعارك نص الملعب بس.

أخبار منتخب مصر : الإصرار علي تغيير قفشه بدون أي داعي فني

 

أخبار منتخب مصر : النقطة الثانية اللي لا تقل إستفزازًا عن النقطة الأولى هي تغيير

قفشة لتاني ماتش على التوالي.. السؤال هل انت بتمتلك اي لاعيب في قايمتك في

نص الملعب يقدر يقف علي الكرة لمدة ثواني حتى غير قفشة خصوصا بعد اصابة حمدي

فتحي ؟ الاجابة لأ و الدليل انك لتاني ماتش على التوالي بعد خروج قفشة مبتقدرش

تحتفظ بالكرة في رجلك لمدة 10 ثواني بس!!! اومال بتخرجه ليه ؟

Egyptian League Tactics

 

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق