أخبار الأهلي : أكرم كاسحة ألغام .. وصفقات المستقبل لفريق الأهلي

أخبار الأهلي : مايقدمه أكرم توفيق  لاعب الأهلي المعار للجونه مع منتخب مصر

الأوليمبي يدرس حرفيا .. اللعب بإرتكاز وحيد وعلى المستوى الدولي أمر مش هين بالمرة

كما يظنه البعض .. أكرم مطلوب منه يبقى ٢ x ١ .. مطلوب منه تغطية مساحات مضاعفة

.. مطلوب منه يبقى في وسط ٤ منافذ للتمرير ويغلقهم كلهم في آن واحد! مطلوب منه

يبقى واخد باله من ده وده وده في نفس الوقت! وهو مش بيلعب في الدوري بالمناسبة

ده بيلاعب جواهر افريقية ومحترفين ومن دوريات أوروبية كبيرة .. يعني ده أقوى احتكاك للاعب ..

أخبار الأهلي : أكرم توفيق ملك خط الوسط

أخبار الأهلي : أكرم مش مفاجأة  ، هو ده أكرم اللي كان كاسحة ألغام في إنبي .. هو ده

أكرم اللي كان الأكثر استخلاصا في الدوري وأرقامه أعلى من الجميع .. هو ده أكرم اللي

كان بيبهرنا في كل مشاركة ودية أو لما كان بيشارك على فترات في الدوري .. مكنش

موفق في فترة كارتيرون وده طبيعي وبيحصل .. اللي متابع الجونة كويس هيعرف انه

شايل الفريق على كتفه .. ومن أهم نجوم الفريق .. وجوكر بيسد في أي مكان سواء في

وسط الملعب أو ظهير أيمن ..

أخبار الأهلي : أكرم توفيق مستقبل خط وسط الأهلي

أخبار الأهلي : اللي مش كتير ملاحظه ان أكرم كورته حلوة فعلا ولما بيزيد بيكون مؤثر

سواء بالتمرير أو التسديد أو الزيادة والتهديف .. أكرم كان عيبه عشوائية خريطته الحرارية

وعشوائية نقاط ضغطه وتهوره .. هو عنده كل الأمكانيات الجسمانية والبدنية والفنية لكن

ذهنيا عنده بعض القصور فمش عارف يستغل قدراته .. بدأ يحفظ مركزه كويس وبدأ يبقى

أهدى ويوظف مجهوده صح ..

أخبار الأهلي : أكرم وبيكهام والجزار وريان وعمار وكمان ناصر وحمدي لو عقل من الجواهر

الفنية اللي محتاجة وقت وبتنضج بمروره وكل المستقبل ليها .. جواهر يمكن ده مش

وقتها في الأهلي لكن كل اللي جاي في الأهلي ليهم .. جواهر محتاجة الأهلي اللي

يشيلها دلوقتي لكن في المستقبل القريب هما اللي هيشيلوا الأهلي .. وقتهم دلوقتي

برا الأهلي ووقتهم في اللي جاي جوه جوه الأهلي

محمود أشرف