منتخب مصر يعاني من سلبيات بالجملة .. وكيف فشل البدري في أول لقاء
منتخب مصر الأول لكرة القدم مع حسام البدري يعاني من عدة سلبيات : لا يوجد تنظيم دفاعي للفريق : فيه مساحات كبيرة جداً بين الخطوط بين المهاجم و اخر مدافع ، فيه فجوة كبيرة جدا في وسط الملعب خلف ثنائي الارتكاز ، مفيش انسجام نهائي بين طارق حامد و السولية في توزيع الرقابة ، طارق حامد بيحب يعمل ادوار غيره تعبيراً عن الروح الزائدة و ده بيكلف الفريق فجوه وراه ، السولية كان تايه ، طريقة للضغط الجماعي في المنتخب هل هنضغط عالي عشان كده بنلعب دفاع متقدم ولا في وسط الملعب و هنلعب دفاع متأخر مع أن ده كانت أهم ميزة في حسام البدري كمدرب تحفيظ اللاعبين عملية الضغط الجماعي علي الخصم !
منتخب مصر يعاني من العشوائية
لا يوجد تنظيم هجومي للفريق : مفيش رتم في منتخب مصر ، لا يوجد ضابط إيقاع ، واساسيات بناء هجمة ، بطئ رهيب في تحضير الهجمة من الخلف لما يكون حجازي و محمود علاء و طارق حامد أكتر تلاته في الفريق لعبوا تمريرات قصيره بفارق عن الباقي ده دليل أنهم مش عارفين يحضروا الهجمة مفيش جمل ، مفيش تكتيك ، غير كده لما ألعب ب كهربا راس حربه وهمي يبقي لازم حسين الشحات و تريزيجيه لازم يكونوا داخل منطقة الجزاء كتير جدا بتحرك قطري للداخل ، كم مرة لمس الكورة تريزيجيه و الشحات داخل منطقة الجزاء ؟!
البدري يفشل في تحضير منتخب مصر
٣- التحضير النفسي و الذهني و البدني للعبي منتخب مصر : صفر ، واضح جداً في مشكلة في قرارات اللاعبين و ده باين في قلة دقة التمريرات ، و بان في التراجع البدني للاعبين اخر المباراة اللاعبين تحس إن فيه تقل في رجليهم مش طبيعي.
٤- الحظ لا يأتي إلا للمجتهدين : يمكن احنا اتقدمنا ب ١-٠ هدف بالحظ ، البدري مع منتخب مصر حاول يحقق فوز تجاري و دفع بالنني كارتكاز ثالث حتي يغلق وسط الملعب ، لكن تغييرة النني اللي واضح أنه مش جاهز مع تاني تمريرة ليه بالخطأ بيتسبب في هدف بعد مالبدري غير طريقة اللعب الي ٤-٣-٢-١ و ده كان اعتراف واضح من البدري بسوء الأداء و أنه عايز يحقق فوز تجاري بس معرفش لأننا بصراحه مانستحقش المكسب في هذه المباراة.
أحمد ثابت