الأهلي نيوز : أحمد حجازي يدمر مستقبله .. وفرص كتابة التاريخ مع الأهلي

الأهلي نيوز : بعيدا عن المقارنة الفنية بين الثنائي، لكني واثق ان الفرق بينهم مش كبير وان حجازي أقرب مدافع لوائل جمعة أو أقرب واحد يقدر ينافسه كقدرات مش بس في مرحلة ما بعد إعتزال جمعة لا وقبله كمان لكن للاسف حجازي ضل طريقه، كان مفهوم جدا ومنطقي انه يحترف وهو وصغير وخصوصا لنادي بحجم فيورنتينا، لكن احترافه الثاني بعد ما وقف على قدميه مع الأهلي بشوفه خطوة غير ذكية بالمرة

الأهلي نيوز : حجازي شبية بوائل جمعة ولكن

الأهلي نيوز : لاعب عامل ٢ رباط صليبي، وبالتأكيد ده أثر على حركته ودوراناته بعض الشيئ، وكمان عنده ٢٧ وداخل على ٢٨ وقتها، صعب جدا  يقدر يقدم احتراف حقيقي ونجاحات قوية زي صلاح ويبقى المحترف راح المحترف جيه، فكان الأفضل له انه يختار طريق وائل جمعة، ويكتب تاريح مع الأهلي ، رغم كل ده حجازي قدم موسم أول مع ويست بروميتش ولا أروع وقيل انه مرشح لليفر وأنا فرحتله وقتها وتمنيت يوصل للعالمية، لكن على الواقع ولا نادي فكر فيه حتى

الأهلي نيوز : تاني موسم وهو في الدرجة الثانية وصل انه توج بجائزة أفضل لاعب في الفريق في الموسم! رغم كونه مدافع، ده أدعى سبب ان الأندية تتهافت عليه ويتلقى عروض قوية، لكن المحصلة كانت عرض من أهلي جدة! حجازي لن يقدم أكتر من اللي قدمه في الموسمين، خصوصا انه بادئ الموسم ده بعيد تماما بعد إصابته، وحتى مكانه الأساسي في فريقه مهدد، وداخل على ال 30 فيبدو انه هيقضي حياته في الدرجة التانية أو أندية المؤخرة في البريمرليج، وأعلى فريق ممكن يوصله أستون فيلا مثلا

الأهلي نيوز : الأفضل لحجازي العودة للأهلي

الأهلي نيوز : ايهما أفضل أكتسب صفة المحترف وخلاص ولا أحقق نجاحات محلية وافريقية وعربية ترفع اسمي وتدخلني التاريخ بحق وحقيقي؟! أبقى أفضل لاعب في فريقي بالدرجة التانية بأنجلترا كل سنة ولا اعتزل وأنا معايا ٨ دوري؟! أسجل هدف في أوروبا وأبقى اللي مفيش منه ولا أتوج ب٦ دوري أبطال بلاش ٦ حتى ولو ٢ أو ٣؟! أبقى اسمي لعبت ٦ ولا ٧ مواسم في أوروبا والمحصلة صفر لا لعبت لنادي كبير ولا حققت بطولات ولا أبقى العملاق في بلدي واعتزل معايا ٢٠ و٣٠ بطولة؟!

اترك تعليق

لن يتم نشر عنوان بريدك الإلكتروني

Ads Blocker Image Powered by Code Help Pro

تم اكتشاف مانع الإعلانات !!!

لقد اكتشفنا أنك تستخدم ملحقات لمنع الإعلانات. يرجى دعمنا عن طريق تعطيل مانع الإعلانات.

Powered By
100% Free SEO Tools - Tool Kits PRO