الأخبار

أخبار الزمالك : الجارحي يفتح النار ويكتب :١٠ نقاط عن مرتضى منصور .. طفح الكيل

أخبار الزمالك : شن الكاتب الصحفي محمد الجارحي هجوما ناريا علي مرتضي منصور ،
سبب التمادي في سب الجميع في برنامج الزمالك اليوم علي قناة الحدث ، حيث كتب
الجارحي عبر حسابه علي الفيس بوك “١٠ نقاط عن مرتضى منصور .. طفح الكيل ، ١-
مصر كلها بتسأل من بيحمي مرتضى منصور؟؟ شخص مستمر في التطاول على الجميع
من أصغر إلى أكبر راس بأبشع الكلمات، سب وقذف علني ومفيش رادع!

 

٢- إيه الرسالة اللي عاوزة الدولة توصلها من ترك واحد زي مرتضى منصور بيشتم طوب

الأرض؟؟ إنه مفيش قانون؟؟ إنه مفيش عدل؟؟ إنه أعراضكم مستباحة؟؟ إن اغتيالكم

معنوياً سهل؟؟ بجد!

أخبار الزمالك : الجارحي : أبن الدولة من شتائم مرتضى

 

أخبار الزمالك : وأضاف الجارحي ” ٣- هل الدولة متخيلة إن اللي بيعمله دا وسيلة جيدة

لإلهاء الناس وبالتالي مش هتفكر في السياسة أو الاقتصاد ومشاكلهم ؟؟ بالعكس دا

بيزود احتقان الناس أكتر وبيعمل فتنة وبيزود سخط الناس بسبب انعدام العدل وسيطرة

البلطجة ،٤- إزاي مذيع وصحفيين قاعدين في الاستديو يقبلوا يهزأهم ويقل قيمتهم كل

حلقة ويغلط في زمايلهم وناس واكلين معاهم عيش وملح ومحدش فيهم قادر يفتح بقه؟؟

فين الحد الأدنى من الكرامة!!

 

أخبار الزمالك : وتابع الجارحي ” ٥- فين المجلس الأعلى للإعلام من الجرائم اللي بترتكب

يومياً على الشاشة بدون أي تحرك ولا موقف! هو فيه إييييه! ٦- تحرك نقابة الصحفيين

الأخير ممتاز وقوي وأدعمه، لإنه عيب في حق كل صحفي إن شخص مهزأ وسافل يتكلم

بالطريقة دي على أي حد، مش بس زميل أو نقيب صحفيين دا كمان رئيس هيئة

استعلامات الدولة؟؟ إيه قلة القيمة دي!٧- جزمة محمود كامل وأحمد عويس ومحمد سعد

عبدالحفيظ وكل زمايلي الصحفيين اللي شتمهم المعتوه، برقبته ورقبة ١٠ زيه وكلهم

أنضف منه ١٠٠ مرة ومحترمين وسيرتهم وسمعتهم يشهد بها الجميع.

أخبار الزمالك : الجارحي : نطلب رفع الحصانة عن مرتضى

 

أخبار الزمالك : وأردف الجارحي “|٨- دولة إيه دي اللي فيها رئيس نادي كل شوية يمنع

أعضاء النادي من الدخول علشان صحفي كتب مقال ضايقه أو تجاهل أخباره! دي لو

طابونة مش هيعمل فيها كدا! ٩- دولة إيه دي اللي تقبل النائب العام السابق بتاعها يتهزأ

تصريحاً وتلميحاً من نائب في البرلمان ومحدش يتحرك وكل طلبات رفع الحصانة ضده

تترفض! ١٠- طفح الكيل بجد.. كفاية إهانة وخوض في أعراض الناس وبطلوا تصدير أراذل

الناس للمشهد لإن الناس قرفت منهم ومن قلة أدبهم ودا بياكل على كل الموائد وبيعرص

لكل الأنظمة وبيركب أي موجة وكل الناس بتقول إن النظام بيحميه علشان بيلهي الناس

بس دا مش إلهاء دي جرائم علنية مع سبق الإصرار والترصد.

 

ختاما :
الرحمة.. العدل.. والحصانة للنائب عن الشعب مش للي يقل أدبه ع الشعب.

الوسوم

تعليق واحد

  1. ربنا يكرمك ويحفظك يا استاذ جارحى يا محترم …………….. للاسف فى حاله من التردى الرهيب فى الدولة ضد هذا البلطجى
    منتهى السفالة والاجرام وهو مش اكتر من قلم على وشه يطيرة
    ان شاء الله ربنا حيجيب حق كل الى ظلمهم وخاض فى اعراضهم غلشان ربنا لايرضى بالظلم والافتراء ………….. نحن فى الانتظار

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق