الأخبار

الأهلي نيوز : تركي تعلم الدرس .. والصلح في صالح الأهلي وأل شيخ

الأهلي نيوز : فتنه حدثت بين الأهلي وتركي

الأهلي نيوز :وزي ما تركي أهان مجلس الإدارة، قيمة وشخصية الخطيب مع نفوذ تركي كان طبيعي إنه ميطلعش يرد بنفس طريقته، وساب الأمر للجماهير اللي كانت بتهتف “بيبيو بييو يا سلام يا خطيب”، رجعت بمعزوفة “طال عمره” وغيرها كتير من الهتافات في المدرج وعلى السوشيال ميديا، نزلت تركي مرة تاني على أرض الواقع بعد ما كل الجماهير العربية بقت بتستشهد باللي عمله جماهير الأهلي

الأهلي نيوز: على الجانب الأخر كان في طرف تاني، منافسللأهلي وعايز يستفيد من فلوس تركي وبيحاول يوقع بين الطرفين ويعرفه إنه هيقدر يديله الواجهة الإعلامية اللي بيحبها، هيبقى وراه دائما ويعمل مبنى اجتماعي باسمه ويشكر فيه طول الوقت، وفعلا استفاد من الأزمة وكسب مدرب جديد محترم وكام لاعب كانوا سبب فوزه بالكونفدرالية، وبعدها نفس الطرف ده هيتجنن وهو مش قادر يدفع رواتب لاعبيه غير إنه عايز يجيب صفقات.

الأهلي نيوز : تركي تعلم درس الخلاف مع الأهلي

الأهلي نيوز: مشكلة تركي الكبيرة كانت مع الخطيب اللي هو سبب وجوده على الساحة، ودلوقتي الراجل بيمد إيده للصلح، غير إنه بيأكد بشكل مستمر حتى وقت ما الأزمة كانت مشتعلة إنه مشجع للنادي، العند مش في صالح أي حد خالص. مجلس الأهلي أصدر بيانيين قبل كدة وبسبب العند شكله بقى وحش جدا بعد ما طلباته متحققتش. طول مافي مشاكل الكورة في مصر هتفضل ميتة إكلينيكيا، وإحنا عايزين كل حاجة ترجع لطبيعتها من غير مشاكل ونشوف جماهير في المدرجات.

الأهلي نيوز: كلام تركي معناه إنه اتعلم الدرس، ساب الأهلي عشان مشافش التقدير اللي كان مستنيه، وشاف أكتر من التقدير اللي كان مستنيه بأضعاف من مرتضى وجماهير الزمالك، وأهان الاثنين ورجع هو يبادر بالصلح مع الأهلي، يعني لو رجع هيبقى راجع وهو عارف الدنيا بتمشي ازاي وهيبقى راضي بيها، ومش بعيد يكونلك أقوى فريق في الوطن العربي رياضيا وإداريا، ولو مش موافق على رجوعه يبقى ننهي المشاكل وإنت في حالك وأنا في حالي والكورة في مصر ترجع لطبيعتها.

أحمد يحيي

الوسوم

تعليق واحد

  1. يا خطيب أنت أقدر من يسوى موضوع تركى ويعيده لبته والصلح خير والرجل مد أيده بالصلح والسلام ورفض ما تعرضت له من اهانات من قطيع الزرايب البوابين الصلح خير يا خطيب

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق