الأهلي اليوم : الرد الكامل علي أكاذيب جماهير الزمالك عن مؤجلات الأهلي
الأهلي اليوم : شرح كامل للرد علي أكاذيب جماهير الزمالك عن إن الدواعي الأمنية و التأجيلات كانت للأهلى الموسم الماضي ،الأهلى كانت تاجيلاته كالتالى : أول مؤجلة كانت مباراة الداخلية من الاسبوع السادس ،واللي كان مفترض تبقي بتاريخ 11/9/2018 ، لكنها كانت بين مبارتين، الاولي للمنتخب بتاريخ 8/9 مع النيجر والتانية للأهلي مع حوريا كوناكري الغيني (خارج مصر) بتاريخ 14/9 ، فهل كان مطلوب من لاعبي الاهلي الدوليين لعب مباراة المنتخب وبعدها (بيومين) لعب مباراة الداخلية؟ وكمان يسافروا عشان يلعبوا مباراة تانية خارج مصر بعد (يومين) من مباراة الداخلية؟
الأهلي اليوم : أتحاد الكرة لم يجامل الأهلي الموسم الماضي
الأهلي اليوم :ثاني مؤجلة كانت مباراة الجونة من الاسبوع السابع ، واللي كان مفترض تبقي بتاريخ 18/9/2018 لكنها كانت بين مبارتي حوريا (الذهاب والعودة) واللي الفارق بينهم اسبوع، فتم تأجيل المباراة زي ما تم تأجيل مباريات للزمالك لما وصل لنهائي 2016 وملعبش اي مباراة بين ماتشين نص النهائي ولا لعب بين ماتشين النهائي، فاللي حصل مع الاهلي حصل مع الزمالك قبل كدا وبعد كدا في الكونفدرالية الأخيرة ، تالت مؤجلة كانت مباراة بيراميدز من الاسبوع الثامن ومتأجلتش عشان الاهلي خايف يواجه بيراميدز لان مباراة حوريا كانت بتاريخ 22/9 ومباراة بيراميدز بتاريخ 23/9 فأنت مش محتاج تكون عالم ذرة عشان تعرف إن مش هينفع لعب مبارتين في يومين متتاليين، فتم تأجيل المباراة (للتعارض الصريح في المواعيد).
الأهلي اليوم : رابع مؤجلة كانت مباراة بتروجيت من الاسبوع التاسع ، واللي كان مفترض تبقي بتاريخ 2/10/2018 ،لكنها تعارضت مع مباراة وفاق سطيف اللي كانت بنفس التاريخ 2/10 والأكيد ان الاهلي مش هيلعب ماتشين في يوم واحد، فتم تأجيل المباراة بسبب التعارض كذلك ، خامس مؤجلة كانت مباراة المقاصة من الاسبوع الـ11واللي كان مفترض تبقي بتاريخ 19/10/2018 ، لكنها كانت بين مبارتين، الاولي للمنتخب مع اسواتيني (خارج مصر) بتاريخ 16/10 والتانية للأهلي مع وفاق سطيف في الجزائر (خارج مصر) بتاريخ 23/10 ، فهل كان مطلوب من لاعبي الأهلي انهم يرجعوا من اسواتيني يلعبوا مع المقاصة وبعدين يسافروا تاني الجزائر يلعبوا مع سطيف؟
الأهلي اليوم : مؤجلات الأهلي كانت بسبب المشاركة في أفريقيا
الأهلي اليوم : سادس مؤجلة كانت مباراة النجوم من الاسبوع الـ12 واللي كان مفترض تبقي بتاريخ 3/11/2018 لكنها تعارضت مع ذهاب النهائي مع الترجي واللي كان بتاريخ 2/11 ، سابع مؤجلة كانت مباراة انبي من الاسبوع الـ13 واللي كان مفترض تبقي بتاريخ 7/11/2018 لكنها كانت بين مبارتي النهائي، فطبيعي يتم تاجيلها زي ما قولنا، وزي ما حصل مع الزمالك، ومن غير زمالك ولا مصري، فهل كان منطقي اني العب يوم 7/11 في مصر واسافر العب النهائي في تونس يوم 9/11 ؟ فاظن التأجيل مش محتاج تفسير ولا شرح.
الأهلي اليوم : ثامن مؤجلة كانت مباراة طلائع الجيش من الاسبوع الـ14 واللي كان مفترض تبقي بتاريخ 11/11/2018 لكنها تأجلت، مش عشان الاهلي زعل انه خسر النهائي وحلف ميلعبش، لكن يا عبقري عشان النهائي كان يوم 9/11 في تونس زي ما قولنا، فازاي هنرجع نلعب يوم 11/11 في مصر؟ يعني نطلع من المطار على الملعب عشان سيادتك تنبسط؟تاسع مؤجلة كانت مباراة سموحة من الاسبوع الـ15، واللي كان مفترض تبقي بتاريخ 22/11/2018 لكنها تأجلت، مش عشان الأهلي مش راضي يلعب في الدوري زي ما الـ… زملكاوية بيقولوا، لكن عشان (في نفس اليوم) الأهلي كان عنده ماتش خارج مصر مع الوصل الاماراتي يعني بتاريخ 22/11 بردك!