الأخبار

الأهلي نيوز : أزمات عديدة بعد قرار تأجيل القمة .. وموقف صعب لفايلر

الأهلي نيوز : تأجيل لمباراة القمة وتعديل في جدول الدوري يقلل كتير من قيمة البطولة تسويقياً ويقلل من اهميتها  ،

هل من المعقول أن المقاولون العرب اللي المفروض هيلاعب اسوان يوم الجمعة  يلاعب الزمالك يوم السبت  ،

ثالثاً وهو الاغرب ان قرار التعديل يطلع بعد الساعة واحدة بليل ! يعني انا كنادي المقاولون

دخلت نمت وانا عارف ان عندي اسوان الجمعة اللي جاية اصحى الصبح ألاقي عندي الزمالك السبت

الأهلي نيوز : ورطة لمدربي الدوري

 

الأهلي نيوز :4 مدربين الأن ميتشو ڤايلر عماد النحاس مجدي عبد العاطي ، تعالى نمسك

ميتشو . تعادل مع  اف سي مصر ، لانه اراح معظم الاساسيين علشان ماتش الاهلي

اللي المفروض كان يوم السبت  ، ڤايلر  لغى اجازته لسويسرا اللي كان هياخدها اثناء

توقف الدوري استعداداً لمباراة القمة اللي المفروض كانت يوم السبت يعني لا سيبتو

الراجل ياخد اجازة ولا لعبتوه مع الزمالك يعني زمانه بيقول اشوف فيكو يوم يا بُعده

 

الأهلي نيوز : عماد النحاس مش بس غيرولو ميعاد الماتش لأ دول كمان غيرولو المنافس

اصلاً وبدل ما كان هيقابل بعد ٤٨ ساعة نادي اقصى طموحه انه يقعد في الدوري هو ناديه

القديم اسوان بقى هيقابل نادي بينافس على اللقب ، مجدي عبد العاطي جلس مع

المساعدين ومحلل الاداء نشوف المقاولون بيشتغل وبيعتمد على ايه وهنلاعبهم ازاي

وييجو قبل الماتش بـ٤٨ ساعة يقولولي ريح انت شوية ! طب هو انا هلعب ضد حد في الاسبوع الرابع ولا لأ ؟

الأهلي نيوز : تعديلات غير منطقية في الجدول

 

الأهلي نيوز : ولو هلعب هلاعب مين وفين ؟ ولو مش هلعب ياترى هلعب الاسبوع

الخامس عادي ولا هبدأ بالمقاولون اللي المفروض كنت ألاعبه في الاسبوع الرابع ؟ طب

هما اشمعنى عملوا معانا احنا كدا ! ايه قلة الاحترام لنادي اسوان دي ولا احنا علشان ناس طيبة ولسة صاعدين !

 

الأهلي نيوز : اللي حصل دا اقل حاجة تتقال عليه انه مفيهوش اي نوع من احترام

المدربين ولا الاندية يعني حاجة كدا ملهاش علاقة بالكورة خالص ، اللي متابعني هيعرف

اني من بعد كاس العالم و انا مش متفائل وبقول القادم أسوأ للكرة المصرية لحد لما وصلنا

في الكورة للقاع بس بعد اللي حصل دا اقدر اقولكم احنا خرمنا القاع

الوسوم

تعليق واحد

  1. زمن مرتضى منصور وأولاده اولا الانحدار الاخلاق وبعدين الانحدار الرياضى الحل نضفوا الرياضه من القذارة دى وهاتبقى الرياضه للأخلاق الرياضيه فقط وهاتبقى العلاقات طبيعية.

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق