الأهلي نيوز : مميزات حمدي فتحي الفتي الذهبي في خط وسط الأهلي

الأهلي نيوز :الاهلي الفترة الاخير قام بتعاقدات علي مستوي وسط الملعب كانت الافضل

الفترة الأخيرة اهمها الرائع حمدي فتحي ومعه ديانج والرائع محمد محمود القادر علي

اللعب في مركز 8 و10 أ وافشة بنفس المراكز ، بس هنا هتتكلم آكتر عن حمدي فتحي

ومركز وسط الملعب الدفاعي بنكهة خاصة وبأسلوب حمدي فتحي فقط

الأهلي نيوز : كلنا علي علم ويقين علي قيمة عاشور كابتن تاريخي للأهلي لكنه كان

لاعب وسط تقليدي مفتك قوي ذكي فالتمركز بيلعب السهل سواء تحت ضغط ولا لا بس

كان مفيد جدا للأهلي وقتها لإنه كان جمبه لاعب 8 بيزيد و قدامهم تريكة وبركات فكان

دوره دة ممتاز وقتها وجوزية مكنش عايزه يعمل آكتر من كدة بس العمر أكيد بيبقي له

احكام فالاخر ، لكن حمدي فتحي جه بشكل تآني بنفس المركز بس بمميزات أكبر ، مش

بقارن خالص بالنسبة ليا عاشور تاريخ بس هنتكلم فني عن حمدي

الأهلي نيوز : حمدي لاعب وسط دفاعي متميز في أهم واجبات المركز وهي الضغط في

كل أجزاء الملعب قادر علي الافتكاك ومن ثم التمرير السليم ، الرؤية في التمرير الطولي

أيضا عمل الزيادة للامام بشكل قوي والاهم اللعب بالرأس بشكل مميز جدا ، حمدي أصبح

بيشكل خطورة علي أي خصم لما الأهلي يلعب كرات ثابته بسبب تميزه فالضربات

الرأسية واختيار المكان المناسب ، التسديد علي المرمي أصبح واضح إنه مميز بعد ماتش

أسوان ومن قبلها كمان يعني لما بيزيد بيشكل خطورة ، بقي عندك وسط ملعب دفاعي

بشكل عصري مش مجرد لاعب سنيد يقطع يسلم يقف مكانه وشكرا