الأخبار

الأهلي اليوم : قفشة يقدم السهل الممتنع .. ولماذا يشارك علي صالح جمعة؟

الأهلي اليوم : “السهل الممتنع” ، كتير اول ما بيشوفوا الجملة دي علي لاعب بـ يفهموها بـ سطحية،

اللي هو لاعب بيلعب السهله يعني مش مبدع مش بياخد الريسك مش بيجاذف بتجيله الكورة بيباصي ع طول ..

لا السهل الممتنع بتاع قفشة مش كده خالص، قفشة مبدع بس في اوقات معينه ..

بياخد الريسك برضوا في اوقات معينه .. بيجاذف في الوقت اللي محتاج الفريق فيه لاعب يجاذف ..

الأهلي اليوم : قفشة يقدم الكرة السهلة مع الأهلي

 

الأهلي اليوم : لو افترضنا أن الفريق متكون من مجموعتين مجموعة اخر الملعب ومجموعة

اول الملعب خالص لازم يبقا فيه “مواصلة” توصل الاتنين ببعض، محمد مجدي قفشة بقا

هو مواصلة الدفاع وخط الوسط بـ الهجوم .. حلقة الوصل اللي في وجودة الملعب بيكون

سهل وسلس وتقدر تبني هجمة بسهولة لانه بينزل يستلم ودايماً تلاقيه مفضي نفسه

وظاهر لـ حامل الكورة علشان ميفكرش ويتلغبط كتير، قفشة بيسهل حاجات كتير، لأنه

مبيقفش لا بـ يباصي ويتحرك يباصي ويتحرك .

 

الأهلي اليوم : إمكانياته ك صانع ألعاب عالية جداً، بيعرف يتمركز صح ويستلم صح ويبني

لعب صح ويروح يعمل مثلثات ع اليمين مع الباك والجناح ويروح يعمل مثلثات تانيه ع

الشمال مع الباك والجناح، بيتواجد في المكان الصح في الوقت الصح، هو مش بيتفلسف

كتير ولسه عنده مشاكل في الباص وبيستعجل أحياناً بس فعلاً هو حلقة وصل كنا

مفتقدينها جداً جداً جداً وصفقة مهمة لـ الاهلي أثبتت جودتها بسرعة.

الأهلي اليوم : قفشة يجيد الربط بين الخطوط

 

الأهلي اليوم : صالح جمعة Passer احسن وامهر وأكثر موهبة وحرفياً الكي باص واللونج

باص بتوعه كفيلين يضربوا اجدعها خط دفاع “بتكلم عنه فنياً” ، بس معندوش حتة الربط

دي مش علشان صعبة وكده لا علشان معندوش المجهود البدني بتاع قفشة  ، لاعيب

كبير قدر يثبت نفسة بسرعة رغم أنه عنده احسن

ومستنيين منه الأفضل وحرفياً لسه مشوفناش تصويباته الصاروخية ولا أهدافه العالمية

،استمر ومبروك اول أهدافك بـ قميص الاهلي يا قفشة وانضمامك لـ منتخب مصر ونتمني أداء أفضل واحسن

Mahmoud Ashraf

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق