أخبار منتخب مصر : جلال شحاته البدري حسام حسن .. من الأفضل لمنتخب مصر ؟

أخبار منتخب مصر : أتحاد الكره تباطئ  الاعلان عن المدير الفني للمنتخب ،في ظل  الاسماء مطروحه وهم 4 اسماء ،

حسن شحاته ، ايهاب جلال ، حسام البدري ، حسام حسن ،والكفة حتي الأن مائلة إلي إيهاب جلال لعدة أسباب

:اولا هو من ناحية التكتيك والأسلوب : هو افضل الاختيارات ، من ناحية التكتيك والأسلوب ،

هو حسام البدري ثم حسن شحاته و ايهاب جلال ، ثم حسام حسن ، بالترتيب كده ،

ازاي حسن شحاته مش رقم واحد في التكتيك ، قامه كبيره طبعا لكن كان يمتلك منتخب

ساعده كتير جدا في التوويج بالبطولات ، الحق يقال هو كان بيقدر يختار نوعية اللاعبين ، لكن كتكتيك البدري افضل

أخبار منتخب مصر : لمذا إيهاب جلال أفضل لمنتخب مصر

 

أخبار منتخب مصر : حسام حسن ، ضعيف جدا في الناحيه الفنيه ، هو مدرب بيعتمد علي

الشحن المعنوي الزائد ونوعية لاعبين تكون محتاجه تثبت نفسها أو بمعني ( جعانه كوره )

لكن تابع اغلب طرق لعب حسام جميعها كورات طويله ومافيش استراتيجيات بديله ولا

مرونه تكتيكيه ،الكابتن ايهاب جلال ،انسب  حتي لو مش اعلي كفنيا من حسام البدري

وحسن شحاته ، ايهاب هيكون مشروع ممتاز لمنتخب مصر ، له اسلوب مختلف عن باقي المدربين ،

 

أخبار منتخب مصر : الجانب النفسي وطريقة التعامل مع اللاعبين : هي دي اكتر نقطه

سلبيه في طبيعة حسام البدري ، هو راجل صدامي جدا ، ممكن يعاند مع أي لاعب

بسبب مشاكل ، حتي لو اللاعب ده هو رقم واحد في المنتخب ، أسلوبه غير جيد في

احتواء الأمر الداخليه ، ودائما ما تتطور وتخرج عن سياقها الطبيعي ، حسام حسن نفس

الموضوع عصبي جدا وطريقة تعامله مع اللاعبين غير طبيعيه ، لاعبين كتير اشتكو من

طريقة تعامل حسام حسن معاهم ، ثم انه لايجيد التعامل مع اللاعبين الكبار ،

 

أخبار منتخب مصر : حسن شحاته مشكلته هو السن  لازم يكون عندنا كوادر جديده نعتمد عليها ،

ما اعتقدش أن الكابتن حسن هيقدر يستحمل الضغط العصبي والنفسي الي متواجد حاليا

في الكره المصريه،ايهاب جلال ، بيقدر يتعامل نفسيا مع اللاعبين ، بيقدر يحتوي الأمور والأزمات ،

سنه جيد جدا اعتقد عدة أسباب تجعل ايهاب جلال افضل الاختيارات المتاحه ، لان القرار سيادي جدا أن مدير فني المنتخب يكون وطني ،

 

أخبار منتخب مصر : طريقة لعب ايهاب جلال بتاخد وقت مع الفرق بسبب أن هو ياخد وقت

يجرب ويقدر يوصل لنوعية لاعبين تقدر تتاقلم علية شغله ، لكن مع المنتخب الوضع هيكون

مختلف ، لان متواجد نوعيه جيده من اللاعبين في عملية بناء اللعب والضغط الخ ، لكن

يحتاجون الي إعادة انضباط تكتيكي

تحليل اسمعلاوي

اترك تعليق

لن يتم نشر عنوان بريدك الإلكتروني

تعليق
  1. اهلاوى بيفهم يقول

    ازاى مدرب فاشل زى البلطجى الى اسمه حسام حسن ده حتى فى لسة الترشيح علشان هو اقل من اى واحد من الاخرين يعنى هو اقل من ان يكون مساعد للكابتن ايهاب جلال المحترم ………. هو الاتحاد غبى جدا تانى

  2. اهلاوى يقول

    ازاى مدرب فاشل زى البلطجى الى اسمه حسام حسن ده حتى فى لسة الترشيح علشان هو اقل من اى واحد من الاخرين يعنى هو اقل من ان يكون مساعد للكابتن ايهاب جلال المحترم ………. هو الاتحاد غبى جدا تانى زى الى فات

Ads Blocker Image Powered by Code Help Pro

تم اكتشاف مانع الإعلانات !!!

لقد اكتشفنا أنك تستخدم ملحقات لمنع الإعلانات. يرجى دعمنا عن طريق تعطيل مانع الإعلانات.

Powered By
100% Free SEO Tools - Tool Kits PRO