الأخبار

الأهلي نيوز : رمضان صبحي أقوي تحدي يواجه فايلر مع فريق الأهلي

الأهلي نيوز :  رمضان صحبي، اللاعب اللي بيمتلك موهبة نادرة لكن لحد دلوقتي لا هو

ولا الأهلي ولا المنتخب قادر يتسفيد منها الاستفادة الكاملة وهذا أكبر تحدي يواجه فايلر ،

رمضان لاعب موهب بالفطرة وزي ما كلنا عارفين بيقدر يعمل حاجات كتير تخليك تقول

عليه لاعب رائع وحريف ظي احتفاظه بالكرة، والاستحواذ والمراوغة، لكن رغم المواصفات

دي فعاليته قليلة جدًا ، في الحقيقة كل الناس بتختصر عدم فعالية رمضان فإنه مش

بيعرف يسدد على المرمى والأهداف فقط، لكن الموضوع أكبر من كدة بكتير.

الأهلي نيوز : رمضان أزمته فإنه لم يتخلص من ثقافة لعب الحواري

 

الأهلي نيوز : لعب الحواري يعني ده طفل مصري اتربى على أنه صاحب الكورة ياخدها

من الجون للجون والراجل يقطعها مني، وبالمناسبة في لاعبين كبار جدًا عاشوا بنفس

الثقافة وتألقوا وكانت مناسبة لأنديتهم في فترات ما ، جوارديولا لم قرر يحول ريبري إلى

نسخة ميسي المهاجم الوهمي في بايرن ميونخ، وطلب منه تسلم الكرة في مناطق

بعينها وعدم العودة للخلف لطلبها من الزملاء، والتحرك في نطاق معين حدده له، اللاعب

لم يستجب، وكان ناقم، ومصر علي أنه ينزل لتحت خالص.

 

الأهلي نيوز : جوارديولا قال بعدها أن للآسف ريبري لم يستجب لأفكاري لأنه لم يتخلص

من ثقافة لعب الحواري وكان صعب اقناعه بالعكس بعد العمر الطويل ،كذلك رمضان صبحي

بيتعامل بنفس الفلسفة، وإلى الآن لاعب شاري الخط على الجهة اليسري لا يفارقه، نادرًا

لو شفته في عمق الملعب، استحالة تشوفه يتمركز كرأس حربة تاني يكمل ورا المهاجم،

طول الوقت بينزل لتحت يطلب الكورة من الظهير اللي وراه وتكون المسافة بينهم 2 أو 3

متر وكأن الظهير عاجز يطلع بيها أو يطلعها فوق.

 

الأهلي نيوز : هنا دور فايلر هو تطوير عقلية رمضان، وتطوير قراراته بدون كورة قبل ما يكون

معاه الكورة.. يعني ايه؟يعني محتاج أولًا تعلم رمضان ازاي يتمركز، وامتى وفين يطلب

الكورة من زمايله ، يعني محتاج تعلمه يتحرك في التلت الأخير من الملعب ويستلم الكرة

خلف الرباعي الدفاعي للخصم وبينهم، ومش طول الوقت نازل ياخدها من تحت خالص ،

يعني رمضان لازم يعرف يلعب فوق الكورة مش طول الوقت يكون تحتها ، يعني رمضان لازم

يُجيد التحولات، ويعرف امتى يتحول لمركز الـ 10 عشان يطلب الكورة في العمق، اومتى

يتحول لرأس حربة تاني لما تكون الكورة في الجهة العكسية ويعرف يتمركز داخل الـ 18

في موقع سليم يؤهله للتسجيل.

 

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق