الأهلي اليوم : بركات أسطورة الأهلي الزئبقي ملك الحلول يحتفل بعيد ميلاده

الأهلي اليوم : يحتلف محمد بركات لاعب وسط الأهلي بعيد ميلاه ، بركات اللاعب الاهم

فى منظومة الاهلى مشاركة مع تريكة والحضرى فى فترة الجيل الذهبى . بركات قدم مع

الاسماعيلى اضعاف ماقدمه مع الاهلى فنيا ومع ذلك كان مهم جدا فى منظومة مانويل

جوزيه بعد مالكل اجمع لما الاهلى اتعاقد معاه انه منتهى وعنده اصابة مزمنة ومش

هيمثل اضافة لكن قدر يكون اهم لعيب فى الاهلى فى اول موسم ليه (2004/2005) وكان افضل لاعب فى الاهلى فى بطولة افريقيا 2005

الأهلي اليوم : بركات كان أهم لاعب في منظومة جوزيه

الأهلي اليوم : بركات كان الحل السحرى لمانويل جوزيه فى اى ماتش كان ممكن

يستخدم بركات فى اكتر من مركز فى نفس الجيم واى ماتش مقفل كنت تلاقى بركات هو

اللى معاه المفتاح . حتى الجوهرى فى تصفيات 2002 استخدمه فى اكتر من مركز يعنى

فى ماتش الجزاير لعب بيه ناحية اليمين وفى ماتش نامبيبا لعب بيه تحت الفراودة لما عبد

الستار (نزل اخر الشوط التانى) وحازم غابوا وقدر يسجل هدفين وفى ماتش الجزاير عمل

ماتش تاريخى وسجل هدف عظيم وعمل اسيست لعبد الستار ولا اروع .

الأهلي اليوم : بركات ال work rate البدنى بتاعه لازم يدرس لو رجعنا بالذاكرة لماتش

الاهلى والزمالك فى كاس 2010 (3/1) بركات كان عنده 34 سنة لكن الاداء اللى قدمه

فى الجبهة الشمال مع معوض فى الماتش دا مايقدموش لعيب فى سن العشرين . من

اقوى الاداءات اللى شفتها للاعب على المستوى المحلى فى السن دا ان لم يكن

الافضل . لما سألوا حازم امام مين اللعيب اللى ممكن تشيل نفسك من التشكيلة وتحطه

مكانك ؟ قال بركات . المراسل سأله ليه ؟ قاله علشان هو احسن منى .

الأهلي اليوم : لما سألوا انيس بو جلبان من فترة مين اهم لعيب فى فترة الجيل الذهبى

بالنسبة لك ؟ قالهم محمد بركات . لما صورت حلقة مع احمد بلال وسألته مين اللعيب

اللى كان بيفك اى ماتش صعب ؟ قالى بركات… للاسف بركات مش واخد الكريديت اللى

يستحقه ودايما فى اختيارات افضل تشكيلة فى تاريخ مصر برا الحسابات رغم انى شايفه

دايما من اللاعيبة اللى امكانياتها صعب تتكرر تانى ومن افضل اللاعيبة فى تاريخ مصر بدون جدال

وسوم: