الأخبار

الأهلي اليوم : تحطيم أسطورة الزمالك “الزائفة” وكيف أثبت الأهلي قوته

الأهلي اليوم : الموسم المنتهي ببتويج الأهلي بلقب بطل الدوري كفيل لنفي الأكاذيب

اللي ابتدعها الزمالك في السنوات الماضية من أجل وضع مبرر لفشلهم و تبرير لنجاح

الأهلي دايما بنسمع جملة الأهلي بيخطف لاعيبة الإسماعيلي !

الأهلي اليوم : تحطيم أسطورة خطف الاهلي للاعبي الإسماعيلي

 

الأهلي اليوم : الأهلي في 2011 لما ضم عبدالله السعيد اتفاوض مع ناديه بشكل مباشر

وناديه استفاد مادياً من الصفقة وباع اللاعب مقابل 6 مليون و 750 الف وإعارة سعيود ..

خرج جمهور الإسماعيلي وقتها وحاصر اللاعب في بيته وهددوه واتقال نصا إحنا بنعمل كل

ده عشان متروحش الأهلي وده اللي حصل برضه مع حسني عبدالربه لما مضي خرج

الجمهور بنعش في الشوارع وإثارو شغب في الإسماعيلية والأهلي وقتها أحترم رغبة اللاعب في التراجع ورجع للاعب عقوده

 

الأهلي اليوم : حالياً نادي الزمالك اللي مبيخطفش لاعيبة الإسماعيلي جعل محمد عواد

يتمرد على ناديه بعد تفاوضهم معاه وعواد لم يذهب  التمرين من يومها وكتب بيان علي

صفحته إنه يرغب في الإنتقال  للزمالك ومضى عقود للزمالك وراح نادي الزمالك واتصور

جواه وامبارح كان في مداخلة هاتفية في برنامج الزمالك وبيهدد ناديه انه يهرب بره ينضم

لأي نادي عشان ميستفادوش منه مادياً لو مراحش الزمالك وكل ده واللاعب لم ينضم للزمالك رسميا وعقده ممتد لموسمين

الأهلي اليوم : الأهلي يضم متولي بعد عامين مفاوضات

 

الأهلي اليوم : أما النادي الأهلي اللي بيخطف لاعيبة الإسماعيلي بقاله موسم بيفاوض

في متولي واللاعب عنده رغبة الإنتقال وفشل ينضم الموسم الماضي واللاعب ألتزم ولم

يتمرد عليهم وحاليا الأهلي فاوض ناديه بشكل رسمي والصفقة انتهت بكل هدوء

والاسماعيلي استفاد مادياً رغم ان اللاعب متبقي موسم واحد في عقده وممكن نمضيه

ببلاش كمان 6 شهور وناخد الموسم الجاي ورغم ذالك لا اتمرد ولا راح الأهلي واتصور في التتش ولا عمل مداخلة في قناة الأهلي ولا هدد

 

الأهلي اليوم : والأهم من ده كله بعد اللي عمله عواد مع ناديه وجمهوره بتحريض من

الزمالك احتمال كبير صفقته تفشل واللاعب يبقا خسر كل حاجة خاصة بعد انضمام أبو

جبل للزمالك في المقابل الأهلي في الجزئية دي استمر في مفاوضاته مع متولي بعد

فشلها سابقاً لان اللاعب لديه الرغبة والأهلي شاريه زي ما اشترى حمدي فتحي وحسين الشحات قبله

الوسوم

تعليق واحد

  1. إدارة الأهلى هى السبب المفروض تعمل زى زمان كل ما الزبالك يفاوض لاعب يخطفوه وكل ما لاعب يظهر فى الزبالك يخطفوه حتى لأى نادى أخر الأهلى بيحترم الأخرين والأخرين مش متعودين على كده الأخرين عاوزين شغل من وراء الستار ومن تحت الترابيذه وكله بثمنه الزبالك خد عواد عنوه ما سمعناش حد بيتكلم ولا بقول عيب ولما الأهلى تفاوض مباشرة مع الاسماعيلى لضم لاعب عاوز يأتى للأهلى رفضوا وماطلوا ومن سنتين ونحن على هذا المنوال والأهلى رفض ضم اللاعب ببلاش فى يناير ولكن تقول أيه عقول مريضه ربنا يرحمنا

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق