الأخبار

الأهلي نيوز : أزمة الزمالك الحقيقة .. والأهلي الأول دائما وأبدا

الأهلي نيوز :  أول مشكلة جمهور الزمالك هي حالة الإنكار المستمر لوضعهم الحقيقي في الكورة المصرية ،

وده بيتبعه حالة من الاقتناع التام، بإنهم الأفضل في أي شيء، أفضل فنيا، أفضل رياضيا، أفضل جماهيريا ،

وده كمان بيتبعه شعور بالاستحقاق طول الوقت، وبتلاقي طول الوقت جمل بتتردد من نوعية،

لولا التحكيم، الحظ، اتحاد الكرة، مرتضى منصور كنا كسبنا وفزنا بالبطولات في مصر وفي أفريقيا.

الأهلي ينوز : جماهير الزمالك تنكر أنها الثاني دائما

 

الأهلي نيوز : رغم إن الموضوع أبسط مما يمكن، إنتم مش الأول يا جماهير الزمالك ، وما كنتوش الأول،

ومش هتكونوا الأول، لأن الأهلي صاحب هذا المركز دائما ،  الاعتراف بكده مش عيب،

وانتماءك لفريق مش الأول أو الأفضل مش عيب ، بروسيا دورتموند عمره ما كان الأول أو

الأفضل ومع كده جماهيريته كبيرة، ارسنال، توتنهام، حتى باريس سان جيرمان من ١٠

سنين ما كانش الأول أو الأفضل، ويمكن مازال مش الأول لدلوقتي.

الأهلي نيوز : الأهلي هو الأول

 

الأهلي نيوز : الأهلي في مصر وفي إفريقيا هو رقم ١، شئت أم أبيت، بالتاريخ رقم ١،

وبالحاضر رقم ١، وعلى مر الزمن من أول ما قالوا يا كورة في مصر، وإحنا ع الحال ده، مش مقصود اتفاخر،

ولو إن ده مدعى للفخر طبعا ، بس الواقع بيقول كده، تاريخيا الأهلي داخل الستينيات معاه ١٠ دوري،

وقتها ماكانش فيه مرتضى، في التمانينات والتسعينيات نفس الأمر، فحتى حجة التحكيم

دي لو افترضنا حصلت مرة ولا ١٠ مرات حتى، فـ لسه ٣١ دوري الأهلي حققهم في وجود الزمالك بدون المشاكل المزعومة.

 

الأهلي نيوز : حتى التفوق القاري لحد ٢٠٠٦ كان سببه الأول عدم مشاركة الأهلي،

لدرجة إن الزمالك كان بيكسب بطولات أبطال لأنه داخل بدلا من الأهلي اللي هو بطل الدوري المصري ،

إذن حالة الإنكار اللي عايشينها طول الوقت، والشعور بالاستحقاق دائما ده، مالهمش أي استناد على أرض الواقع،

فبلاش الشويتين اللي انتم عاملينهم دول، وانزلوا لأرض الواقع، وانبسطوا بالقليل اللي بتكسبوه.. مش عيب!

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق