الأخبار

الأهلي اليوم : 10 نقاط عن فوز الأهلي علي الزمالك والتتويج بالدوري

الأهلي اليوم : نقاط من فوز الاهلي بالقمة ، ١- فوز معنوي مهم تعزز بيه تفوقك على فريق كان مرشح لمنافستك على البطولة  ،

٢-  الاداء الفني كان اقل من المتوسط، لكن انت عامل زي مابتطلب من طالب ثانوي جاب

مجموع طب، وبعد النتيجة بتقولوا معلش ذاكر يومين عايز منك نص درجة زيادة .

٣- قبل ماتفكر في اي هجوم على الجهاز الفني، تعالى على نفسك وافرح شويتين، انت

واخد دوري الماتش الي فات، وكسبان القمة في الماتش الي بعده.

الأهلي اليوم : فوز مهم علي الزمالك رغم الأخطاء الفنية

 

الأهلي اليوم : ٤- فيه اخطاء فنية طبعا فيه، زي العمق الدفاعي الي انضرب فيه مرتين

تلاتة وده ماينفعش اكيد في افريقيا، كمان فكرة وجود وليد في المركز ده عن نفسي مش قابلها ،

٥- انا مشفق على نفسي من ازارو .. مشفق عليكم منه .. وهو اكيد مشفق على نفسه .. اعتقد كمان الكرة مشفقة عليه  ،

٦- فيه تطور كبير في التعامل مع الكرات العالية، وبشكل عام في الالتحامات .

 

الأهلي اليوم :  ٧-الاهلي محتاج يحافظ على مستوى الشناوي، اكتر مايفكر في انه يحافظ عليه في صفوفه ،

٨- رامي مكسب كبير .. ثبات السولية معظم الفترات وارتفاع مستوى حمدي فتحي وهاني من ضمن مكاسب كتير، و طبعا علولو حاجة تانية  ،

٩ – كويس يارمضان .. لكن لازم اللمسة الاخيرة تتعدل.
١٠-

هو مدحت شلبي مش كان موقوف لنهاية الموسم .. هو علق ليه النهاردة .. لا احنا نعيد الماتش بقى .

خالد الأتربي
——-

الوسوم

تعليق واحد

  1. عيب لا سارتي عدم القراءة الجيدة للمباراة يعني لعبت مباراة المقاولين وبذل اللعيبة جهد كبير وفازوا واحتفلوا كان المفروض تريح المجهدين وتبدأ بأحمد فتحي وصالح جمعة وجيرالدو وأجاياي ومروان محسن مرتاحين ومحتاجين يثبتوا وجودهم ويجلس هاني وحسين ورمضان ووليد سليمان وأزارو للاستعانة بهم في اي لحظة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق