الأخبار

الأهلي نيوز : الزمالك يرغب في ضم قفشة .. هل يحتاج الأهلي الصفقة

الأهلي نيوز : الزمالك يرغب في ضم محمد مجدي قفشه والبعض في الأهلي يرفض اللاعب ،

هل  الأهلي محتاج قفشة ؟ . في ال Scouting وانت بتبني فريق بتبص لبكرة يعني

بتبقى شايف انك عندك مثلا ٥ او ٦ لاعبين مميزين في فرق اخرى في مركز ١٠ مثلا

وانت مش محتاج حد السنادي وعارف ان حتى لو في لاعبين منهم انضموا لأندية منافسة فهيفضل عندك وفرة في الخيارات في المركز دة.

الأهلي نيوز : تأخر في الأهلي في حسم صفقة قفشة

 

الأهلي نيوز : مركز ١٠ في مصر فيه عجز قفشة هو اللاعب المميز الوحيد خارج

الأهلي حاليا في المركز دة ومتاح تضمه والزمالك عنده ازمة في المركز دة خصوصا ان

اوباما لاعب مشاكله كتير ومحمد ابراهيم شطب كورة. وبضم قفشة انت بتأمن نفسك

بكرة في المركز دة وبتحرم المنافس من حل سحري

 

الأهلي نيوز : مجرد لعب وليد سليمان في المركز دة وانت مغمض معناه انك لسه

محتاج لاعبين في المركز دة لانك بتلعب لاعب في غير مركزه. وباستثناء صالح فانت

معندكش حد على نفس القدرات وقفشة خيار جيد جدا مع صالح جمعه في ظل ان

ناصر ماهر صعب تعتمد عليه كأساسي. ووليد سليمان بعد الموسم اللي جي ممكن

يعتزل بنسبه كبيرة. وانت عندك لاعبين في القائمة زى حمودي ومحارب المدرب مش مقتنع بوجودهم وتقدر تستغنى عنهم

الأهلي نيوز : قفشة لاعب مميز ومهم للأهلي

 

الأهلي نيوز : قفشة صنع ٧ اهداف وسجل ٥ مع بيراميدز وهو اغلب الوقت وتحديدا مع

وصول السعيد كان بيلعب في غير مركزه وكان بديل في اوقات كتير وعدد الدقائق اللي

لعبها مجتمعه يوازي ١٧ مباراة فقط. غير معدل المراوغات الناجحة المميز لقفشة وعدد

التسديدات على المرمى اللي افضل من اي لاعب تاني في المركز دة في مصر

 

الأهلي نيوز : الأهلي غلط غلطة كبيرة قبل كدة لما كان كهربا متاح وكابتن فتحي

مبروك رفض يضمه وكان القرار الفني ان عندنا وفره في مركزه بعدها مركزه فضي

لاحتراف لاعبين والاستغناء عن لاعبين اخرين وكنت انت خسرت كهربا اللي كنت

هتستفيد منه فنيا وهو معاك او بارقام فلكية لو طلعته اعارة المرادي احنا ممكن نقع في نفس الخطأ تقريبا.

محمد فارس

الوسوم

تعليق واحد

  1. قفشه لاعب هام جدا و لابد من ضمه لان لا يوجد فى مركزه الا صالح جمعه و هو لاعب كره جيد جدا و عنده رؤيه و مهارى و بيلعب برجليه الاتنين و يتقن التصويب
    لازم نضمه و معاه طاهر محمد طاهر البديل الأنسب لرمضان و لو لعب معاه حتفرق كتير
    صفقتين هامتين جدا مع متولى و كده يبقى الفريق مكتمل ان شاء الله

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق