الأخبار

الأهلي اليوم : الأهلي يتوج بلقب الدوري الأهم في التاريخ ويسقط المؤامرات

الأهلي اليوم : دوري ٢٠١٨ /2019 حققناه بأرقام قياسية  وسط مؤامرات  الأصعب والأشرس على مدار التاريخ  منافس ميزانيته خلال الدوري كانت هي الأكبر في تاريخ أي موسم في الكرة المصرية هدف اكبر من الدوري منافس بيدفع راتب مدرب منافس تاني ليك شئ ابشع مما اي حد يتصور ومخالف لكل قواعد اللعب النظيف او العدالة في كرة القدم

الأهلي اليوم : الأهلي يتصدي لكل المؤامرات

الأهلي اليوم :  قناة مخصوص لنادي لهدف واحد بس هو اهانة وتشويه رئيس ناديك الأهلي ورموزك ولاعييتك وجمهورك وعشان متبقاش انت النادي الوحيد اللي بيملك قناة بس زي ما المال مكنش كافي للدوري كمان قناتك لسه موجودة والقناة دي بقت ماض ،الدوري اللي اشرف عليه اسوء اتحاد مر علينا رئيس لجنة شؤون لاعبين بيقول ان مينفعش يتم قيد جيرالدو قبل مباراة بيراميدز لان الاتحاد اجازة يوم الجمعة وفي نفس اليوم دة بيتم قيد عبدالله السعيد ، اتحاد بيأجل مباريات للزمالك عشان الكونفدرالية وفي مقابلها الزمالك بيقدم تعهد بلعب مباريات مضغوطة بعد انتهاء الكونفدرالية وبعدها الاتحاد بيساعد الزمالك في ان دة ميتنفذش

الأهلي اليوم : انت مأخدتش الدوري دة بالصدفة انت استحضرت روح الأهلي بجد. هدف الفوز على سموحة اللي سجله جيرالدو في الدقيقة ٩٩ دي روح الأهلي ، هدف الفوز على الجيش اللي سجله معلول في الدقيقة ٨٩ دي روح الأهلي ، هدفين الفوز على الاتحاد لمعلول وصالح جمعة بعد الدقيقة ٩٠ دي روح الأهلي ، هدف الفوز على الجونة اللي سجله ناصر ماهر في الدقيقة ٨٧ دي روح الأهلي . دي اللحظات اللي انتفضنا فيها للكيان دة

الأهلي اليوم : كل التحالفات تسقط أمام الأهلي

الأهلي اليوم : كل التحالفات اتعملت السنادي عشان اللحظة دي متجيش فلوس اتدفعت ونفوس بتكرهنا اتجمعت في مكانين ولحظة فرز حطت كل دول قدامنا عشان نعرف نميز اوي اللي مش مننا ونعرف ان اي واحد حارب الأهلي كانت نهايته انه وقف يتفرج عليك وانت البطل ولا فلوس ولا نفوذ ولا اعلام وقعونا اه ممكن ضربات هزتنا زي الملاكم اللي بيحتاج اوقات كتير يحمي نفسه ويصد الضرب بس في النهاية الضربة القاضية دي احنا اللي اخترعناها .

محمد فارس

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق