الأخبار

أمم أفريقيا : رياض يكشف كيف تختار مصر مدرب مناسب للمنتخب

أمم أفريقيا : كشف وائل رياض نجم الأهلي ومنتخب مصر الأول لكرة القدم السابق ،

المعايير التي يجب علي أساسها أختيار المدير الفني المقبل لمنتخب مصر ، والذي

سيتولي المهمة خلال الفترة المقبلة ، بعد قرار أتحاد الكرة بإقالة المكسيكي خافيير

أجيري من منصبة بعد نهاية مشارة المنتخب في أمم أفريقيا .

أمم أفريقيا : رياض : مصر تحتاج لكوتش وليس مدرب

 

وقال رياض عبر حسابه علي موقع التواصل الإجتماعي الفيس بوك ” بسمع كلام كتير أوي

عن إختيار المدير الفني الجديد للمنتخب الأول وكل الناس بتتكلم عن أسامي كتير

وترشيحات كتير بس مشوفتش واحد بيتكلم عن معايير الإختيار وحتي لو لقيت حد بيتكلم

عن المعايير بلاقيه بيروح لمعايير بعيدة عن المعايير الأساسية لمدرب المنتخب .

 

أمم أفريقيا : وأضاف رياض “مدربين المنتخبات مختلفين عن مدربين الأندية أو بمعني تاني الشغل اليومي مختلف تماماً عن الشغل اللي تبع الأچندة الدولية ،

مدرب الاندية بيحفظ بدل المرة مليون مرة وتمرين الصبح وتمرين بالليل لكن مدرب

المنتخبات اللاعب بيجيلوا قبل المباراة ب ٧٢ ساعة علشان يلعب المباراة ويمشي ،

مدرب الأندية ممكن يصبر علي لاعب ويجهزه ويفضل يشتغل معاه بدني لكن مدرب

المنتخب بيختار اللاعب الجاهز اللي اصلا بيكون بقناعة مدرب الأندية .

أمم أفريقيا : وتابع رياض “مدرب المنتخب ممكن يكون مقتنع فنياً بلاعب وبقدراته ولكن

اللاعب ده مدرب النادي بتاعه مش بيلاعبه فمش هيختاره مدرب المنتخب ( يعني مدرب

المنتخب بيشتغل بقناعات مدربي الأندية ) كل المقدمة دي علشان أقول إن أهم معيار

لإختيار مدرب المنتخب هو إنه يبقي ( كوتش ) مش ( مدرب ) يعني يعرف يدير ٩٠ دقيقة (

تجهيز ، تشكيل ، تغيير ، تدخل داخلي في المباريات ) والفرق كبير بين الكوتش والمدرب .

أمم أفريقيا : رياض : مدرب من طراز خاص لمصر

 

أمم أفريقيا : وأردف ” فلازم اللي هيختار مدرب المنتخب سواء وطني أو أجنبي يشوف

مين المدرب اللي بيعمل ده بشكل كويس ( إدارته للمباريات ، تشكيلاته ، تغييراته )لو

لقي المعيار ده في اي مدرب يبقي هو ده المدرب اللي يمسك ، لكن الهري اللي بسمعه

ده أي كلام ومش هيأدي لإختيار سليم .

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق