الأخبار

الأهلي اليوم : بيراميدز يعلن تعيين ديسابر ؟ لماذا لا يصلح للأهلي

الأهلي اليوم : بيراميدز بيسبق الأهلي والزمالك خطوة في الإستعداد للموسم الجديد و

بيعلن عن تعيين الفرنسي سباستيان ديسابر مديرًا فنيًا للفريق ، ليه ديسابر الأنسب

لبيراميدز و ليه بيراميدز الأنسب لديسابر مش الأهلي ولا الزمالك ؟ ديسابر مع

الإسماعيلي وأوغندا ومراجعة نتايجه مع الترجي والوداد يتبين أنه مدرب جيد جدا طول ما هو الطرف الأقل من حيث الإمكانيات

الأهلي اليوم : بيراميدز يعلن تعيين ديسابر كمدير فني

 

الأهلي اليوم : ليه بقول كدة لأن ديسابر مدرب بيلعب من غير الكرة أفضل بكتير من ما

بيلعب و هو معاه الكورة، هو يقدر جدًا يخليك مستحوذ لكن هتعاني قدامه سواء من

إجادته للضغط الجماعي أو من تنظيمه و تقارب خطوط فريقه و يمكن ده يبرر فشله مع

الترجي والوداد في المقابل نجاحه مع الاسماعيلي و اوغندا اللي هما بوضعهم الحالي

ليسوا مطالبين بشئ كبير لكن قدر ديسابر بإمكانيات أقل من منافسيه انه يقدم فعلًا

شئ كبير و قدر مع الاسماعيلي يحتل وصافة الدوري بعد انتهاء الدور الأول و قدر يصعد

بأوغندا لأمم أفريقيا ثم لدور ال16 بعد ما أحرج مصر والسنغال .

الأهلي اليوم : بيراميدز أفضل لديسابر من الأهلي والزمالك

 

الأهلي اليوم : للأسباب اللي فوق دي من وجهة نظري ديسابر هو الأنسب لبيراميدز و

بيراميدز هو الأنسب لديسابر لأن بيراميدز لو عايز فعلًا يحقق بطولة لازم يتعامل على

أساس إنه مش فريق بطولة ولازم يفهم انه مهما كانت امكانياته هو مازال فريق تحت قيد

التجربة و ان جماهيرية الاهلي والزمالك هترجح كفتهم لو دخلت معاهم في خناقة بطولات

لكن لو تعاملت مع الوضع على اساس انك الطرف الأقل و انك مش مطالب بالبطولة حاليًا

جايز ساعتها فعلًا تحقق البطولة و أفضل مدرب يتعامل على الأساس ده هو ديسابر

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق