كاس امم افريقيا 2019مقالات القراء

أمم أفريقيا : تريزيجيه يخطف الأضواء من صلاح .. لاعب موهوب بدرجة أنسان

أمم أفريقيا : من كام سنة، “محمود حسن تريزجيه” كان بيعمل انترفيو مع إبراهيم فايق.

سأله وقتها عن بدايته ونشأته، فما كان من تريزجيه إلا أنه فتح قلبه ببراءة شديدة، واتكلم

عن وضع أسرته البسيطة والفقيرة. وحكي موقف صعب جدًا عند وفاة والده، قالهم أنا عاوز

الولد الصغير اللي هو محمود، ثم بدأ الأب يوصيه علي أخواته الأكبر، ويقوله أنا عارف أن

حيجي اليوم وأنت اللي حتسكنهم في عمارات. تريزجيه كان بيتكلم بدون كسوف، وبدون اصطناع،

وبدون شو، كان بيتكلم بشكل عفوي جدًا لدرجة أنه قال والله هي دي كانت أمنيته اللي أنا عشت علشانها.

أمم أفريقيا : تريزيجيه لايخجل من أسرته

 

أمم افريقيا : بعدها بسنة، كان تريزجيه بيشارك مع منتخب مصر في كأس أمم افريقيا 2017.

ومعروف أنه كان أكثر العناصر اللي “هيكتور كوبر” بيستنزفها بدنيًا، طول الماتش كان

محمود بياخد الملعب كله رايح جي. في الهجوم بيحاول، وفي الدفاع بيحاول، وبيستموت

فعلًا علي كل كرة. مكانش مميز هجومًا، ولا قدر يسجل أهداف، لكن عمره ما كان

منفسن من زمايله أو معترض علي قرارات مدربه، ملتزم وراضي بأي وكل شئ.

 

أمم أفريقيا : خلال البطولة دي، كل لاعب من المنتخب يسجل هدف، لازم تريزجيه هو أول

واحد يحتفل معاه. عبدالله يسجل في أوغندا، تلاقي تريزجيه أول واحد معاه. صلاح يسجل في غانا،

برضة تريزجيه بيحتفل. كهربا يسجل هدف الفوز الأول علي المغرب من 31 سنة ويرفع ايده لفوق،

وتريزجيه بيجري يشاور عليه ، في نهاية ماتش المغرب، ومع الإحتفالات الكبيرة للاعيبة المنتخب.

كان تريزجيه قريب من لاعب المغرب “نبيل درار” اللي انهار في البكاء، يسيب تريزجيه

الإحتفال ويروح يطيب خاطر اللاعب اللي أزعجه طوال الماتش، بدون ذرة استعراض أو

حتي انتباه لفين الكاميرا والجمهور شايف مين. فعل صادق وعفوي، وصورة من أجمل صور بطولة أمم افريقيا 2017.

تريزيجيه : لاعب موهوب بدرجة أنسان

 

أمم أفريقيا : تريزجيه فشل مع ناديه أندرلخت، في الوقت اللي ابن جيله محمد صلاح مكسر الدنيا.

وفي الوقت اللي كهربا نجح مع الزمالك، ثم في السعودية. وفي الوقت اللي رمضان

صبحي اللي هو أصغر منه بيروح ستوك ستي وهدرسفيلد. لكن لأن تريزجيه فعلًا انسان

نضيف عمره ما كان متضايق من فشله، ولا بيحسد زمايله، ولا لما اتسأل عن القصة حاول

يبرر ولكن قال أنا حجتهد أكثر والتوفيق من عند ربنا  وقبل ما يكون لاعب موهوب فهو انسان علي فطرته، وعايش بدون حسابات

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق