الأخبار

الأهلي اليوم : سر تصعيد الأهلي للفيفا .. ومكتسبات الفريق في الموسم المقبل

الأهلي اليوم : طلب الأهلي تحديد دقيق لنظم القيد، والحصول على فرص للراحة الكاملة والإعداد للموسم الجديد،

وتنظيم قائمة الفريق والراحلين والمعارين والمنتدبين، والدفاع عن حق الأندية الأربعة في القيد الافريقي،

وتطبيق تقنية الفار إرساءا للعدالة بين سائر الأندية بعد تجربة الحكام الأجانب المشبوهه

الأهلي اليوم : الأهلي يتخذ موقف قوي والأندية تسانده

 

الأهلي اليوم : ودليل على صحة موقف الأهلي واحترافيته تضامن معه أكثر من ٩ أندية، وحياد أندية آخرى،

انت تقريبا الخصم الوحيد المعترض هو الزمالك وده طبيعي لنادي يتحالف مع الشيطان ضد

حقوقه نفسها لو كان اللي بيطالب بيها الأهلي! ولا يوجد أي نادي آخر معترض أو متحالف

ضد توجه الأهلي  لانه توجه عادل ومنظم ومطالب منطقية وإحترافية وقضية تمس الصالح العام وليس فقط مصلحة الأهلي

 

الأهلي اليوم :طيب اية الفكرة من شكوى الفيفا؟ والله عارف انها مش هتوقف عجلة

الوقت ولا هتنهي الدوري قبل الأمم وقضيتك الحالية شبه انت خسرتها عنوة من إتحاد فاسد،

لكن مؤكد هتخرج بمكتسبات أكبر بكتير وبتحمي مستقبلك مع العالم دي، خلاص انت

عريتهم ودخلت في خصومة مباشرة معاهم واختصمتهم لكل الجهات وجمعت كل مخالفتهم،

ولو كانت دي خطوات هينة مكنش رئيس الاتحاد هرول وطلب يتفاوض مع الخطيب عشان ميصعدش والأمور تهدى

الأهلي اليوم : سر التصعيد للفيفا ومطلبات الموسم المقبل

 

الأهلي اليوم : فيه مثل بيقول العيار اللي ميصبش يدوش، الناس دي بتضرب لخمة بصوت

عالي وعليا الطلاق ما بالكم بشكاوي داخلية ودولية وتحقيقات وتسجيلات ومستندات،

ومين عالم يمكن يجيلهم من الفيفا توبيخ أو تعليمات أو تهديد بتجميد النشاط وساعتها يبقى العيار صاب بجد

 

الأهلي اليوم : الخلاصة .. انت بخطواتك دي وسواء جابت النتائج المأمولة أو لا فأنت هتخرج كسبان كسبان،

سواء مكاسب لحظية أو مستقبلية، وموقف زي ده هيتبني عليه كتير قدام، وأهم مكتسباتك استعادة شخصية وهيبة الأهلي في أي نزاع،

ووقت ما تاخد أي موقف يتعملك ألف حساب، غير كده هتتاكل طول ما انت صامت وسط منظومة تدار بعليا الطلاق وأكلة كبسة!

اللي مش شايف الأهلي ماشي في الإطار الصحيح جدا وبيكسب وهيكسب أقلها لو مش

مادية فهي مكاسب معنوية يبقى محتاج يعيد حساباته ويحسبها بعقله مش بالwwe اللي بيتفرج عليه

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق