الأخبار

الأهلي نيوز : بالأدلة : تأمر أتحاد الكرة ولجنة المسابقات ضد الأهلي ومجاملة الزمالك

الأهلي نيوز : إتحاد الكرة رفض تأجيل ماتش الأهلي وحرس الحدود رغم عدم وجود خط

طيران لتنزانيا قبل ماتش سيمبا ورد قال دي مشكلة الأهلي يحلها، ولعب الأهلي مباراته

مع حرس الحدود 8 فبراير 2019، وسافر لعب مع سيمبا 12 فبراير، سفر طويل ارهق لاعبيه،

بعدها اتحاد الكرة ضغط الاهلي مرة اخرى في ماتش الاتحاد 2 ابريل 2019 بعد 48 ساعة

من ماتش الزمالك 30 مارس 2019 وقبل ماتش صن داونز في بريتوريا 6 مارس 2019

ولاعبينا سافروا ملأقصى القارة مرهقين، وكل ده علشان نخلص الدوري.

الأهلي نيوز : الأهلي يخوض جدول مضغوط ومنح راحه للزمالك

 

الأهلي نيوز : لكن نفس الاتحاد أجل ماتش المقاولين من 14 مارس2019 الى 20 مارس

2019 علشان يريح الزمالك لمباراة حسين داي الجزائري يوم 17 مارس 2019، اول ما

الاهلي خرج من دوري الأبطال، بدأ يريح الزمالك في الدوري، علشان يلعب الكونفيدرالية مستريح،

اجل ماتش الانتاج الحربي من الاربعاء 1 مايو 2019 الى الاربعاء 15 مايو 2019 علشان يريح

الزمالك قبل ماتش النجم الساحلي 5 مايو 2019، واجلها مرة اخرى رغم ارسال نادي

الزمالك لخطاب رسمي بالموافقة على الموعد الجديد، لكن الاتحاد دايما منبطح لمرتضى منصور.

 

الأهلي نيوز :  ثلاثة تواريخ يتلعب فيها لـ3 مباريات للزمالك، 14 مارس 2019، 1 مايو 2019،

15 مايو 2019، كان الدوري خلص لأنه كان هيكون للزمالك مباراتين فقط مثل الأهلي تماما

والبطولة تنتهي في 3 يونيو ولا تحدث الأزمة الحالية التي تؤثر علي البطولة وتهدد إستعدادات المنتخب

الأهلي نيوز : أتحاد الكرة يدمر مبدأ تكافؤ الفرص في الدوري

 

الأهلي نيوز : حد يقول: هوه الأهلي لو كان وصل نهائي أفريقيا كان هيكون ده موقفه؟، الرد ببساطة،

إن الأهلي كان هيلعب عادي كل ثلاث أيام، الا النهائي لن يلعب بين مباراتي النهائي مثل الزمالك،

لكن ما حدث إن إتحاد الكرة اللي بيضغط الأهلي، عمل مع الزمالك الواجب على حساب كل ما يخص تكافؤ الفرص ومصلحة البطولة والأندية،

والدليل بالورقة والقلم، تم تأجيل ثلاث مرات بدون داعي كانت ستنهي البطولة… ثم لما

انتم ناويين تجاملوا الزمالك ليه ضغطتم الأهلي بالشكل ده؟، عايزين تخلصوا عليه؟، انتوا بتشتغلوا لمصلحة مين؟.

الوسوم

‫2 تعليقات

  1. طبعا علشان الاهلى ضعيف جدا ومالوش اى وضع خالص حاليا …….. احنا كنا فى منتهى القوه لحد ما الحاقد الكبير ابو زيت
    خرب الدنيا بموضوع 8 سنوات الى خرب الاهلى لما مشى الكابتن حسن حمدى الى كان عامل قوة رهيبه للاهلى
    حاليا الاهلى ولا حاجه خالص فى وجود احقر واسؤ اتحاد كرة فى منتهى الفذارة والفساد

  2. وفين مجلس الندامة من هذه المهانات التى تعرض لها النادى ولم نرى أى واحد يقول عيب لهؤلاء الأفات والكلاب الضالة اللى عاوزه تنهش فى جسد النادى الأهلى حتى يسقطوه ويا فرحتى على مجلس الخطيب والعامرى وهم يشاهدون سقوط النادى ولم يتحرك لهم ساكنا أرحمونا وسيبوا النادى لجماهيره اللى كظرتوها وسببتوا لها كل الألام والأمراض والعار وسيادتكم فى واد والنادى فى واد أخر لعنة الله عليكم الى يوم الدين

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق