الأخبار

الأهلي نيوز : كيف حافظ الأهلي علي أهم مكاسبه في أزمة تركي وسقط الزمالك

الأهلي نيوز : لو تتابع الأحداث اللي مرت من لحظة إنتهاء علاقة تركي آل الشيخ بالأهلي كانت حصلت في السبعينات أو التمنينات كنت هلتمس العذر لان العهده كانت هتبقى على الراوي و الإلمام بالأحداث كان هيتبني على الأرشيف و الإستماع فهلاقي مبرر لإحتمالية إساءة الفهم أو اللغط الجماهيري لكن لما تبقى الأحداث أتعاصرت بأدق التفاصيل و لسه بنتشد لنفس الفخ سذاجة .

الأهلي نيوز : علاقة معقدة بين الأهلي وتركي

الأهلي نيوز : تركي آل الشيخ كل ما الفرصة تتاح يوصل رسالة مضمونها واحد إنك خسرتني و خسرت دعمي هيوصلها شغله الشاغل في اللحظة دي إرباكك و إجبارك إنك تبص وراك و توصل للحظة تردد تقف فيها حائر في موقفك اللي أخدته ضده يدفعك انك تفر في الورق و تعيد حسبه أتقفلت و التوقيت حرفة عنده ده مش غريب الغريب إننا بنساعده يمارس حرفته علينا احنا مخدتناش الجلالة في لحظة و قولنا تركي لازم علاقته تنتهي بالأهلي و احنا مش عارفين تبعية ده لا احنا عارفين و عيب إننا منبقاش عارفين .

الأهلي نيوز : الأهلي كان هيشاور و تركي هينفذ بس ايه المقابل اللي هيدفع البطولات كانت هتيجي على حساب ايه احنا بنبص على اللقطة الآخيرة و ان الزمالك استفاد طيب ما احنا عارفين انه استفاد بس ايه المقابل اللي أدفع احنا بننسى و لا بنتعمد نتناسى هو احنا مسمعناش و لا شوفنا مرتضى منصور و إسماعيل يوسف و طارق يحيي و هما بيطاطوا تركي مطلعش يبيع و يشتري فيهم على والملأ و على صفحته يلم القصة بعد ما وصل رسالته انه فضله عليهم .

الأهلي نيوز : مبادئ الأهلي أهم من البطولات

الأهلي نيوز : اتفرج على الزمالك لما إيد تركي تتشال منه المرتبات اللي بتدفع و المكأفات الاستثنائية خزينة الزمالك مش هتتكفل بربعها و اقربها جروس اللي مرتضى بيخرج نفسه من عجزهم المالي بقصة انه مش كفء لو متعجز على عصاية لما صاحبها يشدها من تحتك هتقع عيب اننا بنتشد بمنتهى السذاجة احنا بنقحم نفسنا في صراع و بنشغل نفسنا بقصص محسومة لا ليها قيمة و لا هتفيد بشئ غير أنها هتشتك .

الأهلي نيوز : الاهلي اللي اتربينا عليه مش دولاب بطولات احنا اتربينا ان اللي بيجيب البطولة إرث لازم نحافظ عليه اتربينا ان قاعة مؤتمرات مجالس الإدارات الاسامي اللي بتتحط على كراسيها مابنشوفها بس بنشوف هيبة و كرامة المنصب و مابنقبلش المساس بيها ؛ محدش يبيع و يشتري فينا و لا يلمح مجرد التلميح ان نجاحنا كان بفضله اللي عايز يدعم بسياسات المكان اهًلا بي و لكم في عبد الله الفيصل عبرة و اللي مكنش شبه سياسات المكان يتقاله مع السلامة شخصية تركي آل الشيخ ماينفعش معاها تقويم و لا هتطبع بطباع الأهلي و اي محاولة لده كانت هتبات بالفشل الدخول كان خطأ و الخروج كان صواب .

Donia Saad

الوسوم

تعليق واحد

  1. بتوع الزبالك دول عاملين زى الطفيلات التى تعيش على حس غيرها لنهم ليس لهم جماهير تدعمهم وهاجموا الأهلى حال علاقته مع الشوال واتهموا الأهلى بالسعودة والكفيل وافنبطاح ولكن الأهلى ليس كذلك رمى الشوال وفلوسه خارج أسوار النادى لما أحس بأنه عاوز يتدخل فى قرارات مجلس الإدارة فلقفه الزبالك ولعقوا جراحه وانبطحوا تحت أرجله وهو عاوز ينتقم فدعم الزبالك بلاعبين ومدربين وبملابس وتدخلات لدى اتحاد الكورة ورشوة حكام فى مصر وافريقيا دا من أجل إغاظة الأهلى ولكن هيهات مش الأهلى يا شوال الأهلى عريق وكبير بجماهيره وبطولاته ورجالاته م وحيد فى هذا الكون فوقوا الجماهير ستؤدبكم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق