الأهلي نيوز : أسباب التراجع المرعب للأهلي في أفريقيا .. والحل السحري للأزمة

الأهلي نيوز : جماهير الأهلي تشعر بالحزن  وهي تشاهد النهائي بين الوداد المغربي

المتوج بالبطولة ٢٠١٧ والترجي الرياضي التونسي  الفائز ببطولة ٢٠١٨ علي حساب

الأهلي وعندهما فرصة يحققا بطولة جديدة ،  الفريقين ميزانيتهم اقل منك بمراحل

والمدربين مثلا اه مجتهدين لكن فوزي البنزرتي انت تفوقت عليه اكتر من مرة ومعين

الشعباني مدرب الترجي مش المدرب السوبر ولكن هما اشتغلوا بتركيز اكتر وبرغبة اكبر

وباصرار دة اهم من اي حاجة واللي تؤدي للفوز بالبطولات القارية .

الأهلي نيوز : جماهير الأهلي غاضبة من التراجع الأفريقي

 

الأهلي نيوز : عصام  الشوالي بعد ضم رمضان صبحي والشحات وهو بيقول ان الأهلي

المرشح الأول للبطولة وان بعد خسارة البطولة في الأمتار الأخيرة دعم صفوفه بلاعبين

بأرقام كبيرة ولكن للأسف احنا فين انهاردة !!! . احنا خسرنا اخر ٣ بطولات لاسباب مختلفة

بس كان في سبب واحد مشترك وهو للأسف ان هويتنا تراجعت كتير جدا هوية الأهلي

في المباريات الفاصلة او المباريات الكبيرة تراجعت الفترة الاخيرة نهائي الوداد والخسارة

من الزمالك في الدور التاني في نفس الموسم والخسارة من الترجي والخسارة من

صنداونز و الخسارة من بيراميدز ذهاب وعودة والتعادل مع الزمالك بقينا بنقع بسهولة في المباريات الكبيرة

الأهلي نيوز : الأهلي يحتاج إلي مدرب سوبر

 

الأهلي نيوز : مشكلة مرعبة وخطيرة ومحتاجة مدرب مش بس سوبر فنيا لانك بمجموعة

لاعبين اقل وصلت لنهائي بطولتين وبتنافس على اغلب البطولات يبقى الفوارق الفنية

مش بعيدة للدرجادي انما محتاجة مدرب يعيد تشكيل عقلية اللاعبين وفلسفة النادي زي

الدور اللي عمله جوزية لما جه في ٢٠٠١ ولما رجع في ٢٠٠٤ . في حاجة عملها جوزية

غير اي مدرب تاني وهى انه اشتغل على العقلية قبل اي حاجة وفي حاجة انا مسميها

Jose effect ودى اللي تسيدنا بيها افريقيا واستمر مفعولها بعد رحيلة مع بطولة ٢٠١٢ مع

البدري و ٢٠١٣ مع يوسف لان كانت لسه العقلية تأثيرها موجود وفضلت تتبخر تدريجيا الى

ان اختفت تماما حاليا . التدعيم الفني استمراره مهم جدا بس الاهم العقلية ثم العقلية ثم العقلية.

اترك تعليق

لن يتم نشر عنوان بريدك الإلكتروني

Ads Blocker Image Powered by Code Help Pro

تم اكتشاف مانع الإعلانات !!!

لقد اكتشفنا أنك تستخدم ملحقات لمنع الإعلانات. يرجى دعمنا عن طريق تعطيل مانع الإعلانات.

Powered By
Best Wordpress Adblock Detecting Plugin | CHP Adblock