الأخبار

الأهلي نيوز : كيف حطم لاسارتي أمال الأهلي في الفوز ببطولة أفريقيا والدوري

الأهلي نيوز :هناك مدرب ممكن يعمل من الفسيخ شربات ومدرب يحول الذهب لتراب ..

فيه مدرب ممكن يعلي سقف طموحك لدرجة انك تعيش معاه على حلم التأهل لكأس

العالم لاخر نقطة بأفقر الادوات وأعجزها ومدرب معاه كتيبة يخلي رئيس ناديك قبلك

كمشجع يبوس ايده وش وضهر على هدف في الدوري .. في وقت من الأوقات مشكلتنا

كانت لاعيبة اكتر منها مدرب ودلوقتي مشكلتنا المدرب أكتر من اللاعيبة

الأهلي نيوز : الأهلي يمتلك أقوي أفراد بدون مدرب

 

الأهلي نيوز : الأهلي يمتلك  فريق مهما كانت عيوبه واحتياجاته كان سهل جدا بأقل

شغل يكون بيستعد دلوقتي لنهائي افريقيا وبيحتفل بالدوري استغلالا لإنحدار نتائج المنافس المحلية ..

معاك فريق ابدا ومستحيل اقتنع انه يتعادل مباراة من ال٤ خارج الأرض ويسجل هدف

وتمنى شباكه ب٨ منهم ٥ في مباراة واحدة كأكبر هزيمة في تاريخك، ومحليا تخسر من

منافس مباشر ليك رايح جاي وتدافع ضد كل الفرق من أصغرها لأكبرها وتكسب بدعا الوالدين كل مباراة

 

الأهلي نيوز :  دكة أقوى من أقوى تشكيلة أساسية للأهلي من سنوات يتواجد بها  ربيعة

وفتحي وصالح وجيرالدو وأجايي ومروان! دول منتخب مش دكة! انت مشكلتك مش في

أفراد الفريق لان أغلبهم مميزين بل في الشكل الجماعي لهؤلاء الأفراد معا وازاي تقدر

تخرج أقصى إمكانيات من كل نجم والمكنة تطلع أحلى وأجود قماش مش توصله لمرحلة انه مش قادر يقدملك الطبيعي حتى!

الأهلي نيوز : سر تفوق جوزيه

 

الأهلي نيوز :  عشان كده كل واحد قلل من جوزيه وانه محظوظ ومعاه فريق يكسبه وهو

في بيته لازم يعتذرله لانه مدرب عبقري ومش أي مدرب كان يقدر يحقق ربع اللي حققه

حتى بالأسماء اللي كانت معاه .. وبالمناسبة لاسارتي تاني أكتر مدرب حظى بدعم في تاريخ الأهلي بعد جوزيه ويمكن بحسابات الدولارات هو الأعلى

الأهلي نيوز : لكن التجارب أكدت ان المدرب هو أهم طرف في المعادلة وعقل المدرب هو

من يقود قدم اللاعب وليس العكس وان زي ما جودة اللاعبين مهمة فجودة وفكر المدرب

أهم ولما بيجتمعوا ال٢ مع بعض بتعيش كل خصومك في عصر الغابة بحق وحقيقي ..

وكان سهل اكتر من فريق للأهلي قبل جوزيه وبعد جوزيه كان يتصنف كجيل ذهبي أيضا

بتفاصيل مختلفة ويحقق اضعاف ما حقق لكن التاريخ نسيه أساسا أو حكم عليه بالجيل الفاشل لانه لم يكن في حضرة العجوز البرتغالي أو ما شابه

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق