أخبار الزمالك : كيف فاز الزمالك بالحظ علي النجم رغم أسواء أداء للأبيض

أخبار الزمالك : الزمالك اللي كان من بداية الموسم مهما كانت أحداث و ظروف الماتش

كان بيخرج بالكرة على الأرض أصبح بيعتمد على الكور الطويلة حتى لو الخصم مبيضغطش

بشراسة من قدام زي ماتش النهاردة كدة و إعتماد شبه كامل على إرسال أي كورة لرجل

كهربا اللي مطالب منه يتصرف لوحده في غياب تام لأي جماعية في التلت الهجومي ،

حتى عبدالله جمعة بياخد الكرة و يجري بيها لوحده لحد ما تتقطع منه برده في غياب تام لأي جماعية.

أخبار الزمالك :  حتى الكرة الطويلة عشوائية لأنها لو متلعبتش لكهربا بتتلعب لعمر السعيد

اللي مفيش لاعيب تاني قريب منه عشان الكورة التانية لأن كهربا ملتزم الخط الشمال و

ابراهيم حسن ملتزم الخط اليمين و مفيش أي حركة بدون كورة للفريق عكس بداية الموسم ،

جول الزمالك كان من ضغط ممتاز من عمر السعيد على الشيخاوي اللاعب رقم 12 في

الزمالك النهاردة لكن حتى الضغط ده متكررش كتير و اتضح انها كانت تصرف فردي من عمر السعيد مش أكتر.

أخبار الزمالك : جروس يقود الزمالك للفشل

أخبار الزمالك : لا أحد يعلم  جروس كان نازل عايز ايه من الشوط التاني.. لا انت بتستحوذ

و بتقتل الماتش نفسيًا ولا انت بتسعى لتسجيل جول تاني يطمنك أكتر في العودة ولا

انت ضامن أخطاء الونش و محمود علاء اللي كانوا هيتسببوا في هدفين ولا ضامن الكور

الثابتة اللي  النتيجة تقلق الزمالك اه طبعا تقلق خصوصًا في أجواء ملعب سوسة لكن

اللي يقلق أكتر هو أداء الفريق جماعيًا و حالة أغلب اللاعيبة فرديًا.

عمرو جمال