الأهلي اليوم : جماهير الأهلي تحقق نجاح ساحق علي مارتن لاسارتي
الأهلي اليوم : جماهير الأهلي قدرت إنها تنتصر في كل معاركها الفنية مع مارتن لاسارتي
وجهازه المعاون خاصة أنه أثبتت أن وجهة نظرها الفنية هي الأكثر صحة من الجهاز الفني للنادي الأهلي ،
جماهير الأهلي أكتر من تحدث عن ضرورة وجود “صالح جمعة” في القايمة الأفريقية حتى لو برجل واحدة ،
وأكتر من نادى بضرورة وجوده في الملعب حتى لو بنص لياقته البدنية هيكون أفضل من كل الموجودين لانه ملك الحلول
الأهلي اليوم : جماهير الأهلي تثبت صحة رؤيتها الفنية
الأهلي اليوم :جماهير الأهلي طلب مرارا مشاركة” حمدي فتحي” في التشكيل الأساسي للفريق ،
خاصة أن صاحب شخصية السهل الممتنع وإراحة عاشور المجهد ،المنهك تماماً ، جماهير
الأهلي منذ ٥ ماتشات بتقول “أجايى” لازم يحصل علي راحه مناسبة ، خاصة أنه بيجرجر
رجله في الملعب والغريبة الجماهير دايماً صح ولاسارتي بيشركه الـ٩٠ دقيقة ومش واخد باله إنه بيخلص عليه كده
الأهلي اليوم : جماهير الأهلي قطعت هدومها وهي بتقول للاسارتي رمضان صبحي لا
يستطيع تقديم مستوي جيد وهو يلعب في الجناح الأيمن ، لانه بتفقده ٧٠٪ من خطورته
نزله في مكانه وأهو أجايى مقتول ونزل الشحات في اليمين “أهو سهلة خالص”
الأهلي اليوم : جماهير الأهلي من تغييرات لاسارتي
الأهلي اليوم : جماهير الأهلي من يوم ماجه لاسارتي وهي بتصرخ من التغييرات الغير مفهومة ،
خاصة التغيير التالت بتاع الدقيقة ٨٥ ومحدش فاهم إيه وليه وعشان إيه ، لدرجة يا مؤمن
كنا خسرانين ٤ من صن داونز وهو محتفظ بالتغيير للدقيقة ٨٤ خسرانين ٧٠ دقيقة من بيراميدز وهو محتفظ بالتغيير التالت ولا قوة الا بالله
الأهلي اليوم : جماهير الأهلي لا بتألف ولا بتهري ولا بتحارب الفريق ولا بقى كلهم
مدربين زي ما الناس بتهاجمهم لا والله ،، جماهير الأهلي عشان بتحب الأهلي بجد خايفة عليه ،
عشان مبتقبضش جنية لاء دي بتدفع خايفة عليه ، عشان ملهاش في الطبل والرقص زي كدابين الزفة خايفة عليه ،
من الأخر شكراً جماهير الأهلي أروع وأنضف وأعظم مافي المنظومة
شريف جمعة