أخبار الأهلي : نقاط قوة المصري قبل مواجهة الأهلي في بطولة الدوري
الأخبار

أخبار الأهلي : نقاط قوة المصري قبل مواجهة الأهلي في بطولة الدوري

أخبار الأهلي : مباراة المصري هي مباراة مفيش فيها بديل عن الفوز لو احنا بجد عايزين ناخد اصعب بطولة دوري خاضها الأهلي ، المصري مع ايهاب جلال مختلف تماما عن فريق المصري قبل وجودة وفى رأيي هو افضل كتير من المصري مع حسام حسن فى بداية الدوري . فى اخر 10 مباريات المصري فاز 7 واتعادل 3 و 0 هزيمة . وبشكل عام المصري مخسرش اخر ١٢ مباراة ودة مؤشر ان انت قدام مباراة صعبة جدا جدا

أخبار الأهلي : المصري أقوي مع إيهاب جلال ويهدد الأهلي

أخبار الأهلي : ايهاب جلال بيلعب بالفريق بلاي ستيشن . تغيير في طريقة اللعب ما بين 4 3 3 و 4 2 3 1 و 3 4 3 . مداورة بين اللاعبين فى كل الخطوط ومع ذلك بيحافظ على الاداء والنتيجة . يعنى تلاقي ساعات فى قلب الدفاع الثلاثي (كوفي – محمود حمد – اسلام ابو سليمة) . وبعد كدة لما كوفي مشي (أحمد شوشة – اسلام ابو سليمة ) و احيانا ( محمد صالح – أحمد شوشة ) في الهجوم مداورة بوجود جريندو او حسين رجب مع اسلام عيسى ووادي واوستن

أخبار الأهلي : فى المباريات الكبيرة ايهاب جلال بيميل للعب بثلاثي فى العمق وبيدي حرية للظهيرين . الثلاثي ( أحمد شوشة – محمود حمد – اسلام ابو سليمة ) غالبا هما اللى هيشاركوا بكرة فى طريقة 3 4 3 . على يمينهم كريم عراقي وعلى شمالهم عمر كمال .. محمود حمد مهم جدا لأيهاب جلال فى التدرج بالهجمة ولكن بيفقد الكرة تحت ضغط اكتر لاعب فقد الكرة قدام الاسماعيلي 17 مرة فى مركز حساس جدا . مهم جدا ان ازارو رغم كل عيوبه يكون موجود ويضغط على حمد بمساعده كمان الشحات او جيرالدو من الجانب الايمن للعمق لحظة تدرج المصري بالكرة

أخبار الأهلي : عناصر قوية في صفوف نادي المصري

أخبار الأهلي : ثنائي الارتكاز فى المصري هيكون اما ايزي ايميكا او عمرو موسى جنب فريد شوقي . فى رأيي ان عمرو موسى اللى صنع هدفين وسجل هدفين هو لاعب مميز جدا فى مركز 8 . وكان اهم لاعب فى المصري قدام الاسماعيلي صنع هدف ودقة تمرير ودقة تمرير 91 % الضغط عليه بيشل المصري

أخبار الأهلي : اسلام عيسى لاعب مميز جدا سجل 7 اهداف وصنع 4 . متوسط مراوغاته عالى جدا 7 مراوغات لكل مباراة . قدام الاسماعيلي عمل 10 مراوغات منهم 7 صحيحة . وقدام الزمالك عمل 8 منهم 6 صحيحة . مينفعش يبقى عنده مساحه للاستلام بسهوله ولازم يكون في عنف في الاستراك معاه بفاولات تكتيكية

أخبار الأهلي : مفاجأة المصري هو المهاجم اموتو اوستين اللى انضم فى يناير وسجل 5 اهداف . المهاجم دة رغم ان متوسط محاولاته على المرمى مش كبير ولكن دقتها مميز جدا بيتجاوز 75 % وكمان سريع القرار فى اقل وقت ممكن ربيعة اتمنى يشارك ويلعب على المهاجم دة

محمد فارس

الوسوم

اترك تعليقاً

لن يتم نشر عنوان بريدك الإلكتروني.

إغلاق