الأهلي اليوم : لطفي الذي بدأ حلم الأهلي وكيف تكون نادي الوطنية

الأهلي اليوم : عمر لطفي المحامي الثوري والمناهض للاحتلال الانجليزي والصديق

الصدوق لمصطفى كامل  كان عنده حلم بتأسيس مكان يقدر يجمع من خلاله طلبه

المدارس العليا شرارة الثورة في الوقت دة واللي قاموا بالدور الاكبر في ثورة ١٩١٩ عمر

لطفي استقر على اسم النادي الاهلي بمعاونة امين سامي باشا والاسم هنا مكنش

صدفة دة كان اسم مقصود النادي الاهلي بمعنى النادي الوطني

الأهلي اليوم : عمر لطفي بدأ حلم الأهلي

 

الأهلي اليوم : عمر لطفي كان ذكي جدا جدا لما ساب رئاسة النادي للسير ميشيل انس

كشخص وجوده شرفي كتأثير انما مهم في مرحلة التأسيس وعدم معارضة الاحتلال

لتأسيس نادي هدفه وطني وسياسي بشكل اساسي وعشان كدة استمر وجود ميشيل

انس لمدة سنة واحدة بس عمر لطفي لما خلى سعد باشا زغلول رئيس لاول جمعية

عمومية للنادي كان بدأ معركة جذب طلبة المدارس العليا من الثوريين للنادي الأهلي

 

الأهلي اليوم : النادي الأهلي كان الوان قميصه هى الوان علم مصر وقتها ودة كان في

نفس مجموعة افكار عمر لطفي مع اسم النادي و الرموز الوطنية عشان يبدأ تاريخ النادي

اللي خرج منه الاف الطلبة في ١٩١٩ متوجهين لبيت الامة للاعلان عن ثورة ١٩١٩

 

الأهلي اليوم : النادي الاهلي كان من اول لحظة اسمة النادي الاهلي يعني النادي

الوطني وعمر ما اسمه اتغير بمرور الزمن او اختلاف الحكومات او الاشخاص عمره ما كان

اسمه بيفكر المصريين بالمحاكم المختلطة اللي كانت وجع وألم لكل مصري بيتحاكم على

ارض مصر في محكمة مختلطة لانه في نزاع مع مواطن اجنبي وبيتحاكم قدام محكمة

بتظلمه في وطنه . النادي الاهلي نادي الشعب نادي الوطن مش نادي ملك او رئيس

محكمة ١١٠ سنة متبدلناش وكل حاجة حوالينا بتتبدل .

الأهلي اليوم : الأهلي مصدر فخر عبر التاريخ

 

الأهلي اليوم : افخر بالنادي دة كل لحظة بتعدي عليك افخر فيها و اوعى تنسى عمر

لطفي ومختار التتش وصالح سليم احكى لأولادك عن كل دول احكيلهم وكل ما يبدأوا

ينسوا فكروهم تاني ربوا اولادكم على حب الاهلي قولوا لكل الناس ان لو اتعمل مليون

نادي مفيش نادي هيقدم للبلد دي اللي الاهلي قدمه. كل الاندية اللي حواليك هي

هدفها انها تنافسك انت لانك انت اصل الحكاية انت الاساس والجميع مجرد اجزاء بتكمل الصورة .

اترك تعليق

لن يتم نشر عنوان بريدك الإلكتروني

Ads Blocker Image Powered by Code Help Pro

تم اكتشاف مانع الإعلانات !!!

لقد اكتشفنا أنك تستخدم ملحقات لمنع الإعلانات. يرجى دعمنا عن طريق تعطيل مانع الإعلانات.

Powered By
Best Wordpress Adblock Detecting Plugin | CHP Adblock