الأخبار

الأهلي نيوز : الأهلي يحافظ علي مبادئ النادي بالإستغناء عن هؤلاء النجوم

الأهلي نيوز : الأهلي اتحذ طوال تاريخيه قرارات قوية ، حفاظا علي المبادئ ، حتي لو كلفت الفريق خسارة بطولات ،

مثب قرار بيع حسين حجازي أبو الكرة المصرية آنذاك انه يروح لمنافسك ويكسبه بطولات

وانت تظل شامخ متماسك مش بتهزك حسابات ملعب وخسارة ومكسب وأعليت من وقتها شعار “المبادئ قبل البطولات”

الأهلي نيوز : مبادي الأهلي فوق كل البطولات

 

الأهلي نيوز : قيمة قرارك سنة ٨٥ انك مش بتوقف لاعب ولا ٢ ده اكتر من ١٥ لاعب

بالمدرب والقيمة مش هنا ده انت ممكن تعمل كده في مباراة عادية في الدوري وتسجل

موقف تاريخي بردوا لكن انك تقدر تاخد قرار زي ده قبل نهائي كأس وأمام غريمك التقليدي وفي أوج فتراته فمن هنا بتتجسد ملامح عظمة قراراتك التربوية

 

الأهلي نيوز : قيمة إيقاف أحمد فيلكس مش في مردوده الفني وحالته وقتها بل في إنك

بتوقفه في نفس فترة إيقافك لحسام حسن وهتلعب البطولة العربية بدون مهاجم ورئيس

النادي يسأل المدرب يعني لو لعبنا كده هنخسر فيرد بأة فيقوله نخسر ١٠٠ بطولة ولا نخسر مبادئنا

 

الأهلي نيوز : قيمة قرارك ضد التوأم انك فضلت تدفع ثمنه ٤ سنوات متتالية وانه يخرج من

عندك وانت حامل لقب الدوري للمرة السابعة تواليا لتمر بعدها ب٤ سنوات عجاف في

أزهى فترات الزمالك وتتويجه بأكثر من ١٢ لقب كان هو له فيهم النصيب الأكبر وسجل في

مرماك ٤ أهداف في ٤ سنوات رغم انه سجل في الزمالك معاك ٥ أهداف فقط في حوالي

١٤ سنة! لكن لا اتهزيت ولا اتأثرت ولا ندمت ولا تراجعت وحافظت على ثوابتك والتاريخ اثبت بعدها انك كنت صح

الأهلي نيوز : الأهلي لا يسقط برحيل أي نجم

 

الأهلي نيوز : قيمة قرارك ضد الحضري انك بتستغنى عن أفضل حارس في افريقيا رغم

كل ما ابداه من ندم شديد وبكائيات بس العظمة مش في ده بل في تبعات قرارك ..

الحضري كان بيستغل كل لحظة الحارس عندنا بيغلط ويعك فيها ونخسر بسببه ويطلع

بعدها علطول يبكي ويقول أرجع للأهلي ببلاش ويلعب على وتر الجمهور الحماسي اللي

مش طايق وضع فريقه والخسارة لأخطاء ساذجة من حارسه لكن كان الرد من نفس

الجمهور ده قبل الإدارة لاااااااا نلعب من غير حارس حتى ولا نكسب كأس عالم تكون انت حارسنا فيه

 

الأهلي نيوز : عارفين لو قرار بيع عبد الله وقف لحد هنا ومحصلتش اثارة بعده مش

هيتسطر ويتبروز في تاريخنا ومجلدنا الذهبي زي ما احنا متعودين .. لا لازم تحصل اثارة

ويرجع على كيان انشئ لمعاداتك وكل ما تلاعبه يكسبك ويبقى وحش ضد الكل لكن

ضدك يصغر ٢٠ سنة ويسجل فيك والسنة الجاية يروح الزمالك ويسجل فيك مرة و٢

والإعلام يضغط ويبتزك بقيمته الفنية وتأثيره ويستغل حماس فئة من جمهورك على أمل إضعافك من الداخل وتشويه قناعاتك اللي بتميزك عن الكل

 

الأهلي نيوز : عارفين لو تركي كان خد بعضه ومشي وانتهت الحدوتة على كده كان

التاريخ سجلك بردوا انك ازاي تستغنى عن أضخم ممول في تاريخ أي نادي وعن حجم

تمويل سيتخطى المليار و٣٠٠ مليون دولار لمجرد تصريحات إعلامية وبوستات على

الفيس! لكن القيمة في إنه يتحول لعدو ويحاربك ويكبر خصمك ويستخدمه كوبري

لمكايدتك ويجبلهم جروس وساسي والنجاز وحداد وبو طيب ويجدد لطارق ويقنع كهربا بالاستمرار ولسة ولسة

تعليق واحد

  1. المباديء لا تتجزء واحنا مش زى بنوع ايقاف لأجل غير مسمى ويلعب الصبح الأهلى غنى برجاله المخلصين وجماهيره الوفية ودائما فى القمة بفضل أنه نادى نزيه ولا يجيد التربيطات واللعب من تحت أو فوق الأهلى دائما واضح وفى العلانية لأنه النادى الأكثر التزاما بتعاليم الأديان والتسامح والروح الرياضة مش عنصرى ولا شتام ولعان فى منافسيه ولا يسرق لاعبين من غيره وكل أموره فى العلن لذلك ربنا موفقه

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق