الأخبار

الأهلي اليوم : الأهلي يضم أسوء أجيال القلعة الحمراء .. تفننوا في إسقاط النادي

الأهلي اليوم :  مع كل خسارة للأهلي بعتقد انها الاسوء والافضح وبعيش معاها كواليس وتفاصيل كبيسة ومرارة استثنائية لا حصلت قبلها واعتقادا انها لا هتحصل بعدها وبقول لا يمكن مهما حصل هيبقى فيه امر منها لكن ياما في الجراب يا حاوي مع هذا الجيل وبكتشف ان كل ده كان شوية لعب وهزار ومشوفتش حاجة ولسة ده طلع فيه فضايح اكتر وهزائم امر وعار أكبر!

الأهلي اليوم : الجيل الحالي يتفنن في هز قيمة الأهلي

الأهلي اليوم : الجيل الحالي بيتفنن في الهزائم الكارثية بيتفنن في الفضائح بيتفنن في خجلك بيتفنن في كسرك بيتفنن في طمس هويتك بيتفنن في زملكتك بيتفنن في كل ما هو غير أهلاوي .. جيل بلا كلمة ولا شخصية ولا عهد ولا وعد .. أول ما يوعدك ويبقى عايز يصالحك اعرف انك مقبل على كارثة أكبر وفضيحة مذلذلة

الأهلي اليوم : شوفت مع الجيل ده اللي عمري ما شوفته في تاريخ الأهلي .. شوفت معاه الأهلي بيخسر نهائيين متتاليين في كأس مصر من الزمالك اللي قعد ٥٩ سنة مبيكسبناش في نفس البطولة! شوفت معاه الأهلي بيخسر نهائيين متتاليين افريقيا وده الأهلي اللي البطولة بيكسبها بمجرد وصوله للنهائي!

الأهلي اليوم :  معاه الأهلي بيخسر أكبر خسارة في تاريخه الافريقي وبيخرج بأكبر فرق!  قمة الضعف والعجز وقلة الحيلة وانه بيرد على ال٥ بهدف يتيم! شوفت معاه الأهلي بيخسر رايح جاي من فريق عمره عام اتكون لغرض محاربتك! شوفت معاه الأهلي بيخسر اكتر بكتير ما بيكسب! مع الجيل ده أصغر كاره وعدو شمت فينا بما يكفيه ل٥٠ سنة قدام! الجيل ده رضى الكل وشمت فينا الكل ومرفعش راسنا مرة واحدة وخسرنا كل التحديات والرهانات وكسرنا وكسر هيبتنا وكلمتنا

الأهلي اليوم : أسوء الأجيال في تاريخ الأهلي

الأهلي اليوم : ممكن تكون نتائج الجيل ده مش الأسوء في تاريخ الأهلي وفيه أجيال خسرت اكتر منهم لكن بلا جدل هذا الجيل كتب على نفسه انه أفشل وأضعف وأحقر وأوضع وأدنى جيل ف تاريخ الأهلي مش لانه اكتر جيل خسر لكن لانه اكتر جيل كان مطالب يكسب ويرفع راس ناديه وقياداته وجمهوره اكتر جيل شمت فينا أعداءنا وخسرنا كل حروبنا اكتر جيل كسرنا وفضحنا وعرنا اكتر جيل بلا كلمة ولا وعد اكتر جيل متزملك اكتر جيل مفيهوش لا لون ولا طعم ولا رائحة الأهلي جيل جيه عندنا غلط ومكانه عند ناس تانية ، الله لا يسامحكم جميعا يا أوضع أجيال الأهلي

محمود أشرف

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق