الأخبار

الأهلي اليوم : سر فشل مارتن لاسارتي مع الأهلي .. وقرار غريب للخطيب

الأهلي اليوم :خبر إجتماع صالح سليم أو حسن حمدي مع لاعبي الأهلي  و الجهاز كان بيبقى حدث مهم ،

لكن لما كل يومين نسمع عن خبر إجتماع الخطيب بلاعيبة و جهاز الأهلي بيجعل من الأخبار دي مُستهلكة بالتالي بتصبح بلا قيمة جماهيريًا و بلا تأثير على اللاعيبة

، الإجتماعات مش حل و مش جزء من حل، الإجتماعات بتتعمل بعد ما تاخد الحل .

الأهلي اليوم : أجتماعات متكررة للخطيب مع لاعبي الأهلي بدون هدف

 

الأهلي اليوم :  مشكلة الأهلي ليست في إستهتار لاعيبة الجيل الحالي، هما

شخصيتهم ضعيفة ولأجل أن يستعيدوا الثقة محتاجين مدرب يقدر يخليهم الطرف الأقوى

في الملعب و يخليهم أكثر قدرة على إستخلاص الكورة من المنافس و أكثر قربًا من الكرة

التانية مش مدرب بيخليهم يلعبوا في 60 متر في حالة الدفاع من غير ضغط جماعي

بالتالي فريق زي صن داونز لما لاعيبة الأهلي لم يستطع الفريق إستخلاص الكرة بسبب

عشوائية المدرب ، اللاعيبة فقدت الثقة تمامًا في نفسها و استسلمت للهزيمة

 

الأهلي اليوم :  كواليتي سكواد الأهلي مش ممتاز لكنه مش سئ و قد يكون في بعض

الخطوط أفضل من سكواد الزمالك لكن لأن مفيش منظومة جماعية عاملها المدرب الناس

شايفة كل اللاعيبة سيئة على عكس جروس مثلاً اللي ملمع و مداري لاعيبة مش سوبر

زي اوباما و ابراهيم حسن و زيزو وسط المنظومة الجماعية و زي ما حسام البدري كان

ملمع و مداري لاعيب زي اسلام محارب وسط المنظومة.. لاسارتي بقى معاه لاعيبة

احسن من اللي مع جروس في خط الهجوم و عنده لاعيبة احسن من اسلام محارب لكن،ظاهرين بشكل سئ بسبب غياب المنظومة الجماعية .

الأهلي اليوم : أزمة الأهلي في  لاسارتي

 

الأهلي اليوم :  اكتر من 70% من مشكلة الأهلي الحالية في لاسارتي و دي مشكلة

تتحملها الادارة بسبب اختيارها للمدرب الاوروجياني و مش عارف هيستمروا في تحمل

قرارهم لحد امتى.. انا مش بطالبهم بالإندفاع خلف آراء الجمهور لو هما مقتنعين بالراجل

خلاص يكمل و هما اللي هيتحاسبوا في النهاية ، لكن في نفس الوقت مش عشان تبعد

نفسك عن فخ الإندفاع خلف عاطفة الجمهور توقع نفسك في فخ العِند مع المصلحة العامة لمجرد إن محدش يقول عليك ماشي ورا الجمهور .

الوسوم

تعليق واحد

  1. الأهلى محتاج مدرب قوى الشخصية ويفهم طبيعة الدورى المصرى والإفريقى كذلك يجب على المدرب عمل ضفط جماعى على المنافس المستحوز على الكرة من أقرب اللعبين وليس فردى والرقابة اللصيقة التى لا تسمح للاعب المنافس إستلام الكرو براحته وتمريرها كما يشاء كما يجب تجربة حسين الشحات فى الباك اليمين لزيادة القوة الهجومية و أن يلعب مروان محسن بدلاً من أزارو حتى يتم شراء مهاجم قوى . وبلاش عناد هاتو مانويل جوزيه فهو الحل الأن أو على الأقل عماد النحاس .

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق