الأخبار

أخبار الأهلي : نصر : هناك خطأ كبير في الأهلي تسبب في أنهيار النادي

أخبار الأهلي : تحدث المخرج الرياضي محمد نصر عن خسائر الأهلي الأخير ، عبر حسابه

علي الفيس بوك قائلا “فكرت مليون مرة قبل ماكتب علشان اخاف حد يزعل من كلامى

لكن .. ربنا سبحانه وتعالى ليه حكمة ان الاهلى يضيع ٤ اهداف محققة يكسب بيها

الماتش ٤-٢ و يخلى بيراميدز ومالكه ترك ال شيخ بالذات يتفوق على حساب الاهلى

مرتين ذهاب وإياب علشان تكمل وده كابوس تانى بشكل لم يحدث من نادى حديث الا نادرا ..

أخبار الأهلي : نصر : ما سر غياب التوفيق عن الأهلي

 

أخبار الأهلي : وأضاف نصر ” ولأول مرة فى التاريخ الافريقى الاهلى يخسر ٥ من اى فريق

افريقى وده كابوس اول ..وكمان عبد الله السعيد يتفوق على حساب الاهلى من اول

مانزل من طيارة السعودية على ملعب الدفاع الجوى فى الدور الاول ويجيب جون الفوز

ويتألق فى الدور التانى ويكسب فرقته..ومحمد فاروق مالحقش ياخد فرصة ومشى وبيتالق ضد الاهلى الماتشين ..

 

أخبار الأهلي وتابع نصر ” حقيقى جمهور الاهلى ممكن يقبل الخسارة دى من اى فريق

الا بيراميدز واى حد يتألق الا عبد الله السعيد ودى حقيقة ظهرت على وجوه جماهير

الاهلى فى بتروسبورت بعد المباراة ..الناس خارجة من الملعب حتتجنن وكمية الحزن

رهيبة وواقفين مش مصدقين الى حصل ماهو ياما خسر الاهلى لكن دى مش زى اى

خسارة لاى مباراة .. وبلاش كرة القدم اللعبات الجماعية اليد والسلة تفوق كاسح للزمالك

مش فريق تانى على الاهلى وخسارة القاب كل البطولات محلية وافريقية ..

أخبار الأهلي : إستهتار كبير بين لاعبي الأهلي

 

أخبار الأهلي : وتابع نصر ” اكيد إرادة ربنا فوق كل شيء لكن ليه مايبقاش فيه حساب مع

النفس داخل النادى الاهلى واكتشاف أشياء حدثت وتحدث لا ترضى الله والنفوس بين

اللاعبين ومدى التزامهم والكفاح من اجل الكيان مش موجود وفيه استهتار خارج وداخل

الملعب وانتم عارفين ان فيه لعيبة بعد الماتش والنَّاس بتغلى تلاقى السماعات والاغانىً

فى الودان وpupgg وعشا وضحك بلليل عادى ومش حتجيب موديل ٢٠٢٠ وفيه فيلا ب١٠

مليون تشترى طب فى شم النسيم حجزت فين ياسلام هو ده الكلام ومكشرين قدام

الناس وف الأتوبيس حاجة تانية خالص

 

أخبار الأهلي : وأردف نصر ” واكيد فيه اخطاء فى حق الكيان حدثت ولا نعلمها وأدت الى

شيء اخر لن ولم يكن متوقعا طول العمر وهو ان تقل نسبيا شعبية محمود الخطيب نجم

الاهلى الاسطورى بسبب ادارة كرسي الرئاسة وده حقيقى لمكانة الخطيب العظيمة الى

بين الاهلاوية جميعا وهو رمز كرة القدم المهددة لا قدر الله لاول مرة ف تاريخ الاهلى للخروج بلا بطولات الموسم ده

الوسوم

تعليق واحد

  1. يا عم ريحنا مفيش حد بيدور على مصلحة النادى وبيحب النادى مخلصا ولوجه الله سوى الجماهير فقط أما مجلس الندامة مش فارقه معاهم لأنهم هى دورة والسلام مش حيشوفوها تانى وبكره أفكرك دول انتحروا رياضيا وأدبيا ونفسيا وانتهت صلاحيتهم التى لم تظهر أصلا وكذلك اللاعبين كل سنة وأنت طيب إذا كان رب البيت بالدف ضاربا فشيمة أهله الرقص لكم الله يا أعظم جماهير فى الكون يا أرجل واشجع وأطهرجماهير ربنا يرفق بكم ويخلصكم من هذا الكابوس الذى جرجر النادى للحضيض وضيع سمعته وكرامته وريادته فى كل الألعاب والمحافل ضيعوا بطولة أفريقيا مرتين وبطولة العرب وبطولة الدورى فى الطريق وبطولة الكأس الله أعلم بها وقضوا على جيل المواهب من أبناء النادى وأحضروا شروة لاعيبين بنصف مليار لا تساوى مائة جنيه أقصد مائة جنية وحسبنا الله ونعم الوكيل فى هذا المجلس ورئيسه لأنهم من حضروا العفريت ولم يصرفوه قصدى العفريت الذين أهدوه للنادى الأخر الفاشل فأنتشله بصفقات مدوية ومدرب قوى ودعم لوجستي عندا فى هذا المجلس الفاشل ويصرف مليارات لإسقاطهم وتعريتهم وهم واضعين أيديهم على خدودهم لآنهم خائفون من الفضائح وربنا كبير ما ذنب الجماهير فى هذا الصراع أرحلوا بقى زهقتونا وكرهتونا فى الكوره

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق