الأهلي اليوم : أمور غريبة قام بها لاسارتي تسببت في وداع حزين للأهلي

الأهلي اليوم : لاسارتي المدير الفني لنادي الأهلي ، أثبت بالدليل القاطع إنه مدرب

“جـبـان ” وبلا أى جراءة هجومية ولا يدرك قيمة الفريق اللى بيدربه ولا يعلم ماكان مطلوب

منه فى المباراة من تعويض عدد أهداف ، لاسارتي أخطأ بإشراك أحمد فتحي لغلق

الجبهة اليمنى للأهلي مع إن من بداية المباراة واضح إن أحمد فتحى غير جاهز وحركته

تقيلة جداً ومش قادر يكمل هجومياً و مفيش أى خطورة هجوميه من الجبهة اليسرى لصن داونز

الأهلي اليوم : لاسارتي مدرب متحفظ لا يجازف هجوميا

الأهلي اليوم:  وعليه كان لابد من إجراء تغيير بدرى شوية بنزول محمد هانى لإجادته

الجانب الهجومي اللى كان مطلوب فى هذه المباراة , أو على الأقل عودة حسين

الشحات كظهير أيمن ونزول مروان محسن بدلا من أحمد فتحي اللي مكنش يوجد أى إحتياج دفاعي ليه ..

الأهلي اليوم : لاسارتي دايماً فى ماتشات الدورى عندما يكون مطالب بإحراز هدف كان

بيدفع بأول تغيير مابين الدقيقة 55 إلي 60 , فريق متأخر ب 5 أهداف و الشوط الأول إنتهى

بتعادل 0-0 ورغم كده نازل الشوط التانى بنفس التشكيل ونفس طريقة اللعب وخايف

يجرى تغيير بين الشوطين لزيادة الكثافة الهجومية ، من الشوط الأول وبعد إنذار عمرو

السولية وواضح عصبيته وكل كرة بيفقدها بسهولة و باين عليه متوتر جداً والحكم خرجه

بره تركيزه طب ياسيدى إسحبه وخرجه بسرعة ونزل ناصر ماهر بدرى شوية وكده كده

ماتش مش محتاج 2 لاعبي إرتكاز ولا محتاج سيادتك إستحواذ على نص الملعب !

الأهلي اليوم : تغييرات في توقيت غريب أمام صن داونز

الأهلي اليوم :  مدرب مطالب بإحراز 5 أهداف ويخلى أول تغيره للاعب جناح وهو حسين

الشحات بدل مايسحب واحد من قلبى الدفاع ( أيمن أشرف أو ياسر إبراهيم ) اللى

مكنش عليهم أى خطورة ، صلاح محسن ينزل أخر 5 أهداف ويطلع جونيور أجايي وانت

محتاج تضغط بكثافة جوه الصندوق !!! مارتن لاسارتى كان خايف يدخل فيه جون خايف

يخسر ومش فارق معاه يكسب 1 او 2 , مش فارق معاه يصعد أو لاء ! ، تغييرات متأخرة …

تغييرات غلط .. بيخرج عنصرين زى ( الشحات و أجايي ) اللي حتى لو مش فايقين بس

أنت مطالب بوجودهم جوه الصندوق عشان الكثافة فى الكرات العرضية !