الأخبار

أخبار الأهلي : السبب الحقيقي لإنهيار الأهلي والكرة المصرية وسر الدوري الإنجليزي

 

الرد بتاعه كان واضح وقاطع: الأندية الأنجليزية لا تستطيع المنافسة على البطولات

الأوروبية، لأننا نلعب 8 مباريات أكثر من الأندية الأوروبية، وان ضغط المباريات كبير جدا في انجلترا..

أخبار الأهلي : ضغط المباريات وغياب الجماهير السر في أنهيار الكرة المصرية

 

أخبار الأهلي : وقال ان في ايطاليا لو لعبت ماتش في اوروبا يوم الخميس، ماتشك في

الدوري بيبقى يوم الاتنين، لكن الفرق بين ماتشات الفرق الانجليزية اوروبيا ومحليا 62 ساعة فقط ،

الكلمتين دول بس علشان نفهم احنا فين ورايحين فين، فكرة انك تلعب كل 3 ايام ماتش محليا،

دي معناها واضح وصريح .. لن تنافس قاريا ،الدوري الانجليزي أفضل واقوى دوري في العالم، لا ينتج بطلا أوروبيا..

أخبار الأهلي : وبعيد عن ضغط المباريات اللي كان جزء طبعا من خسارة الأهلي اخر بطولتين افريقيتين،

اللاعب المصري دلوقتي بقى كل همه الفوز بالدوري وبس، ده اللي فيه المنافسة وده

اللي فيه قصف الجبهات والقطايف والحلويات على السوشيل ميديا ..

والمشكلة والكارثة ان الدوري المصري صحيح بقى مثير بحكم النتائج والارقام واقتراب

المنافسين من بعض على المراكز المختلفة، بس لسة دوري ضعيف لا ينتج لاعبين

مميزين، أفضل لاعبين في الدوري المصري “توانسة”.. سواء معلول او ساسي..

أخبار الأهلي : أزمة كبيرة للكرة المصرية

 

أخبار الأهلي : مهم جدا اللي حصل في السنين الاخيرة في الكرة المصرية، نسبيا بقى

في تطور في حجم الصناعة وضخ الأموال، بس مفيش جماهير ومفيش ملاعب ومفيش

مواهب ومفيش نظام ،اللي بيحصل في الكرة المصرية النتائج فيه هتبقى اللي حصل

للأهلي في جنوب افريقيا، واللي حصل في الاسماعيلي، واللي بكرة او بعده هيحصل للزمالك .. وهكذا..

 

أخبار الأهلي : دي الصورة الكبيرة للأزمة، الصورة الأصغر في خروج الأهلي، ان مفيش

لاعب مصري في مستوى A غير محمد صلاح باقي اللاعبين في مستويات اقل بكتير،

يعني المشكلة ان مش لاعيبة الاهلي متخاذلة .. لأ .. المشكلة ان توقعات الناس على

حجم سعرهم مش على حجم مواهبتهم الحقيقية .. مع كامل الاحترام ، الملخص يعني

اننا في طريقنا اننا نكون زي البطولات الانجليزية، بطولات كتير محلية وضغط مباريات

علشان الفلوس والتسويق والسمعة العالمية الكبيرة، بس غياب تام عن المنافسة في البطولات القارية..

كريم رمزي

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق