الأهلي اليوم : أخطاء تكشف لماذا لاسارتي لا يصلح للإستمرار في الأهلي

الأهلي اليوم :  المفروض تنزل مروان من بدري والمفروض تطلع السولية من بدري وتضغط

وتمارس أداء هجومي بحت ، لكن لحد الدقيقة 82 لسه ماسك ورقة وقلم وبتكلم المساعد

بتاعك علشان تشوف هتنزل مين ! ، الخوف فى كرة القدم يخسرك ويهينك ، الشجاعة

تطلعك على منصات التتويج ، لاسارتي خواف وجبان جداً ولا يجيد قراءة الملعب – صن

داونز عايزين يطلعوا بالكرة من تحت وانت مصمم تضغط على دفاعهم بلاعب واحد! ده اول

حاجة المفروض تعملها تقولهم السلام عليكم وترمي ازارو واجاي ورمضان يضغطوا على

رباعي الدفاع ، مفيش كورة هيطلعوها بها صح ، بدليل ان المرات القليلة اللي ضغطت

باتنين لعيبة الكرة رجعتلك بسرعة وشكلت خطورة .

الأهلي اليوم : كل ماتش تلاقي لاعب مميز والتاني زفت ، يعني مثلا عاشور النهاردة

كويس والسولية تايه ، قبل كده السولية كان مستواه عالي وعاشور زفت ، وقبله نيدفيد

كان أحسنهم وبعدين مستواه نزل ، أحمد فتحي النهاردة تايه وغالباً مكنش شايف ، كل

ده سببه مدرب ، تذبذب مستوي اللاعب ارجع علطول للمدرب.

الأهلي اليوم : لاسارتي مدرب غير شجاع

الأهلي اليوم : واضح  ان لاسارتي ماشتغلش مع المهاجمين ولا تدريبات خاصة ولا هباب ،

لا فى تفاهم ولا فى تركيز ولا في انسجام بينهم رغم ان اللاعيبة دي علطول فى الملعب

والتدريبات مع بعض! الكرة اللى المفروض تتسدد يمرروها واللى المفروض تتمرر يقوم

مسددها ! فى هجمات كتير ضاعت بسبب ان الاتنين لاعيبة بيفوتوها مثلاً ، وفى هجمات

ضاعت بسبب السنده غلط او التمرير غلط أو التحرك غلط!

الأهلي اليوم : لاسارتي خواف متحفظ ، يُسأل عن سوء أداء مباراة الذهاب ويُسأل عن

خوفه الغير مبرر النهارده! ، مفيش مبررات انك تتغلب خمسة ومافيش مبررات انخ تخاف و

انت بتلعب فى ملعبك وتتحفظ ، ومافيش مبررات لتأخر التغييرات ، ومافيش مبررات لقلة

عدم معرفتك بالتعامل الفني والنفسي للاعيبتك.