الأخبار

الأهلي نيوز : 6 حلول من أجل عودة الهيبة للأهلي والفوز ببطولات أفريقيا

الأهلي نيوز : قدمت جماهير الأهلي حلول لإدارة النادي لتخطي المرحلة الحالية ، ومنها ،

وجود خطة لمستقبل الفريق وبأهداف واضحة يعني مثلا تبقى عارفة هتصرف كام عشان

تحقق إيه وهتشترك فين لأهداف لإيه؟ إنما مش منطقي أبدا الإدارة تبدأ الموسم

بسياسة تعاقدية “صفرية” و في نص الموسم تقرر تصرف بدون سقف  في النهاية

الجمهور يستنى أنه هيكسب كل البطولات لأن ده مش هيحصل.

الأهلي نيوز : الأهلي يحتاج للمنهج العلمي في بناء الفريق

 

الأهلي نيوز : 2- لا يجوز  إشراك الفريق في 5 بطولات في الموسم (منها بطولة عربية

ودية) في موسم مضغوط ببطولتين إفريقيتين أصلا ويبقى هدفها المعلن المنافسة عليهم

جميعا مما يرهق اللاعبين أكتر وأكتر لأن ده مش شئ منطقي وبرضه في النهاية مش هيحصل ،

3- الجهاز الفني للفريق لازم يكون ثابت طول الموسم، لأن مفيش حاجة اسمها جبنا

مدرب في يناير عايزينه في أبريل يكون واخد الدوري (اللي هو استلم الفريق وهو في المركز الثامن)

وبطولة إفريقيا اللي هو لسه خسرنها في النهائي بهزيمة كاسرة، لأن ده مش منطقي ومش هيحصل.

 

الأهلي نيوز : 4- ما بين الإدارة والجهاز الفني لازم يكون فيه خطة، خطة للتعاقدات، خطة للإعداد،

خطة للأهداف، وخطة لإراحة اللاعبين، ويفضل أن الجهاز الفني من حين لأخر يكون بيلمح

للجماهير بأهدافه دي، لأن لو حصل العكس الجماهير آمالها هتكبر على أسس خيالية

وبالتالي الإحباط هيكون أكبر، والانتصارات الكاملة برضه مش هتحصل

الأهلي نيوز : الأهلي يحتاج للإستقرار

 

الأهلي نيوز : 5- لما يكون عندك فريق من سنتين بياخد الدوري والكاس والسوبر وبدون

هزيمة وبيوصل نهائي إفريقيا وبيكسب منافسك الإفريقي التاريخي 6 في نص النهائي من

المفترض تبني عليه وتدعم عناصره مش تقرر أن ده الطبيعي وتمشي المدرب وأهم 2

لاعيبة في الفريق وبعدين تجري تدعم بعشر أضعاف وتستغرب أنك بتخسر لأن التغيير خلال مسيرة النجاح في الكرة يؤدي حتما إلى فشل.

 

الأهلي نيوز : 6- لما يكون كل اللي فوق ده ماشي غلط ومفيش أي حاجة في علم إدارة

الكرة بتتعمل صح الكرة لو لم تدار إداريا وفنيا بشكل منظم وعلمي فالروح والحماس

والجمهور ملهمش أي قيمة في النهاية وتأثيرهم طفيف جدا، والنماذج كتيرة لفرق

جماهيرها عظيمة وبتخسر أو فرق روحها القتالية جبارة وبتخسر برضه، وإلا مثلا إيران

كانت خدت كاس العالم كل مرة وروسيا لعبت كل النهائيات وجرينتا إيطاليا مش عارفة تودي بطولات أوروبا فين.

شريف حسن

الوسوم

تعليق واحد

  1. الطريق الصحيح هو إستقالة هذا المجلس بالكامل ورحيل هذا المدرب ويأتى مجلس إنقاذ بقيادة حسن حمدى ومدرب شاب يكون مثل عماد النحاس ويقوم ببناء فريق يتمتع بالرجولة والشهامة وتحمل المسئولية وحب النادى أكثر من حب الجنية والدولار والتعاقد مع مدرب أجنبى يكون له سيرة ممتازة ويكون فى مرحلة المنتصف الأربعينيات وحتى أوائل الخمسينيات ويكون له طموح قوى فى تحقيق مجد مع النادى مثل جوزيه وعودة الجماهير بأى طريقة لأن ابعاد الجماهير من الواضح أنه مخطط مقصود لقص أجنحة الأهلى فقط ورغم استكانة هذا المجلس واللى سبقه فى موضوع الجماهير فأن الجماهير لم تتأخر عن التلبية والمساندة وهم الوقود الرئيسى لإنجازات النادى

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق