أخبار الأهلي : الصفقة السوبر التي نجح الأهلي في ضمها وجوهرة ثمينة

أخبار الأهلي : تشعر جماهير الأهلي بالرضي التام عن مستوي حمدي فتحي لاعب وسط الفريق ،

خلال لقاء مصر المقاصة الماضي في بطولة الدوري العام ، خاصة بعد أن سيطر علي منطقة وسط الملعب وأحرز الهدف الأول للفريق.

أخبار الأهلي : حمدي فتحي من أهم صفقات الأهلي

أخبار الأهلي : يمتلك حمدي فتحي مميزان كثيرة ، فهو لاعب بيقطع الكرة بشكل جيد

وممكن يتطور أكتر ، بيسلم ويستلم ، بيلعب برجله اليمين والشمال كويس جدا وبيتصرف

بالكرة بسهولة وبيفتح ملعب عرضيا وطوليا بشكل ممتاز جدا ويتفوق على أي لاعب في

وسط ملعب الأهلي بمسافات كبيرة النشاط والمجهود فى ارض الملعب وعندة قوة محمد

شوقى فى استخلاص الكرة من المنافس وفى الالتحامات

أخبار الأهلي : حمدي فتحي يستحق التوقف لان ده اللي احنا مفتقدينه ، لاعب لا يبخل

بقطرة عرق واحدة .. وقت ما تنادي عليه وتقول فين حمدي فتحي تلاقيه في نفس

اللحظة قايم بدوره وزيادة ، استلف مجهود فوق مجهود ويمكن ده اللي بيعرضه للإصابات

والإجهاد من فرط حماسه فمحتاج يوزع مجهوده البدني .. بينزل بكل عزمه على الأرض

ويعمل البلوك أو التاكلينج .. يفسد لك الهجمة على مرتين و٣ وبعدها يقوم ويكمل ويكون

أول محطة بناء للعب ويساعدك في الخروج من الموقف الدفاعي للهجومي .. واثبت ان

هدفه في الحرس ليس صدفة وانه فعلا عنده ملكة التهديف

أخبار الأهلي :حمدي فتحي لاعب هجومي بس وانه ٦ قبل ما يكون ٨ لكن ميزته انه

لاعب شبه متكامل وقطعة نادرة بتجمع بين القوة وجمالية الأداء .. عشان كده كنا

مستغربينه ومش حاسينه مدافع وانه لا يصلح لخلافة عاشور .. وهو قدم النموذج ده

امبارح وحقق المعادلة الدفاعية الهجومية ومزج مركز ٦ في ٨

أخبار الأهلي : مفيش خلاف على موهبته من أيام إنبي لكن لو كمل بالروح العظيمة دي

وشخصية الأهلي اللي ظهر بها فده لاعب ميخرجش من الملعب ابدا تحت أي ظرف وده

لازم يكون النموذج اللي تمشي عليه عند انتقاءك لأي صفقة فالفنيات وحدها لا تكفي