الأخبار

الأهلي نيوز : وليد سليمان يتحدث عن واقعة مثيرة .. وكلمات ذهبية لجوزيه وأبوتريكة

الأهلي نيوز : تحدث وليد سليمان لاعب وسط الأهلي ، ومنتخب مصر الأول لكرة القدم ،

عن مشواره في القلعة الحمراء ، منذ إنتقاله لصفوف الفريق قادما من النادي البترولي ،

وقال سليمان عبر قناة الأهلي “كنت واخد وعد من رئيس بتروجيت ، قعدت اروح الشركة

كل يوم الصبح عشان ينفذوا الوعد واروح الأهلي ، تعبت مرة وكنت مع واحد صاحبي

وداني المستشفى وفقدت الوعى بسبب انهياري وانا في الشركة بقولهم انكم وعدتوني وكنت منهار ،

دخلت المستشفى وصحيت لقيت ناس بتقولي انت خلاص مع انبي لمدة سنة واخدت

وعد اني هلعب سنة وهمشي أروح الأهلي وفعلاً لعبت سنة وروحت الاهلي

الأهلي نيوز : وليد سليمان يكشف قصة إنتقال للأهلي

الأهلي نيوز : وأضاف وليد “النادي الأهلي يساعد أي حد انه يعمل لنفسه تاريخ ويعمل

لنفسه جماهيريه “لما دخلت الاهلي كان فيه رقمين 11 و 19 ,, اختارت 11 لأني كنت

بحب رايان جيجز وهو بيلعب في مانشستر ، كنت رايح التدريب اول مرة مبسوط ، لقيت

مستر مانويل جوزية بيقولهم هاتوه ، قالي يا وليد انا معنديش نجم واحد ، الفرقة هي

اللي نجم واللي عندي أفضل منك عشان ليهم رصيد عندي وانت ملكش رصيد عندي انت

زيرو معملتليش حاجة ، بقول لتريكة ومتعب بقولهم يا كابتن قالولي فيه ايه مفيش كباتن ،

كنت فاكر اني هخش ألعب براحه على اللاعيبة لقيت برا الملعب هزار ولقيت الكل بيدب في بعض في التمرين قولت لأ لازم ألعب زيهم

الأهلي نيوز : جوزيه يكشف نصائح أبوتريكة وجوزيه

الأهلي نيوز : وأضاف سليمان ” اللي خلاني أتغير هي الكام جملة اللي قالهم مستر جوزيه ،

خلاني أبقى عاوز أعمل زي ما الناس عملت ويبقى ليا رصيد في النادي الاهلي ، أبوتريكة

جيه في يوم لما كنت في بتروجيت وكنا مع بعض في المنتخب ، لقيته بيقولي انا بتفرج

على بتروجيت عشانك وقالي هتيجي الأهلي في يوم من الأيام ، كنت بلاقي ابوتريكة

في التدريب بيقعد يتزحلق ، بقول لنفسي دا ابوتريكة بيتزحلق انا فين لأزم اعمل كدة ، كل دا اتعلمته في الاهلي

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق