الأخبار

حسام حسن مرشح لتدريب السنغال ؟تعليق ساخر وتساؤلات عن الحقيقة

حسام حسن تلقي عرضا لتدريب منتخب السنغال ، وعلق رضا عبدالعال نجم الأهلي والزمالك علي الأمر قائلا “حسام حسن أتكلم أمبارح فى المؤتمر الصحفى وقال أن الإتحاد السنغالى كلم مسئول فى إتحاد الكرة عشان عاوزين يتعاقدوا مع التوأم لتدريب السنغال فى أمم أفريقيا والمسئول إياه قالهم بلاش حسام وقعد يقطع فيه ولسوء حظه طلع بتاع السنغال شرموط كورة ومسجل المكالمة وهيفضحه!

تعليق علي تولي حسام حسن تدريب السنغال

وأضاف عبدالعال لا داعى لذكر أسم المسئول بتاع إتحاد الكرة مش عارف هيلاقيها من هبه ولا من البت بتاعت المغرب وقمصان النوم عمتاً ربنا يكون فى عونك يا كابتن شوشو! ، وبالنسبة لمسئولى السنغال أنا جاهز لتولى المهمة فى أى وقت

بس ايه اللي يخلي اتحاد وطني عنده نجوم في منتخبه زي مانيه، كوليبالي، جاي، كوياتيه، بالدي وديانييه، غير مواهب صاعدة بسرعة الضوء زي نيانج، سار وواجيه يقدم عرض لمدير فني مصري مثل حسام حسن ؟؟ ،بالعقل والمنطق بعيدا عن تصديق وتكذيب أي طرف، ايه اللي يخلي اتحاد عنده منتخب عالمي بكل ما تعنيه الكلمة والمرشح الأول للفوز بكاس الأمم الأفريقية يقدم عرض لمدرب أفريقي غير محلي، في وقت حساس قبل بطولة مهمة؟

حسام حسن لم يقدم نجاح يذكر في مشوارة التدريبي

طيب لو افترضنا ان المدرب الأفريقي ده فرض نفسه بشكل مذهل لدرجة خلت الاتحاد اللي عنده منتخب عالمي يشوفه زي المدربين الأوروبيين المميزين، هل كابتن حسام حسن نجم الاهلي الأسبق  قدم ده فعلا في مشواره التدريبي، خاصة المشوار الدولي؟ هل كابتن حسام  حقق نجاحات “مذهلة” في مشواره التدريبي تخليه يتحط في كاتيجوري المدربين الأوروبيين المميزين، ويفرق بشكل شاسع عن المدربين المحليين السنغاليين علشان يدرب منتخبهم قبل كاس الأمم الأفريقية؟

انا حاولت افكر في الموضوع بالمنطق لا أكثر، لأن مفيش أي مصدر موثوق اتكلم عن الموضوع من قريب أو بعيد، وده مش تكذيب لكابتن حسام حسن لكن ربما تكون في حلقة مفقودة، أو معلومة غير صحيحة جت له من وسيط أو ما شابه

 

 

الوسوم

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق